SAN JUAN 15:24 - Porciones en Zapoteco de las Delicias

²⁴ Tibi xhgia' labia'ke nar'la ti beena yëla wak lau'ke le nutunu ruuni'kz; len zala chi gulale'i'de ley ni talei'de neda len Xuuza lekz'ka' ni talei'de.

Zapotec Isthmus

²⁴ Pa qué ñune milagru ni iruti huayuni lade cabe la? qué ñapa cabe donda, peru neca ma biiya cabe irá ni peru uca nanala'dxi cabe naa ne Bixhoze'.

SAN JUAN 15:24 Iomraidhean Croise

Mateo 11:5

Gulkixhji'de ki bënni lau'chul chi tale'i'de, bënni'a ti rak laza'ke chi taza'ke, bënni te'i'de baya' nuudzu chi tu'ueake, bënni këëdzu chi tayëën'de, bënni nat tubaane lu yëla gut, len bënni yechi tagixhji'de leke diidza kub dxia'a.

Mateo 21:32

Koma Juan bënni rkiile nis bunach biide len pseed'de lbi'ili nëëz ki yëla rbë'xhbei dxia'a, len ti gyajle'li; san bënni'a tukiixhje laaz'sua'ke ki Roma len nguul gda'dzaag gulayajle'ke. San lbi'ili zala ble'i'li yugute' le ni, ti ptza'li yëla rbëëz kieeli ki tzajle'li.

Mateo 9:33

Kati Jesús bubiije bë' xëwi'a bënni'a ti rak gne' gzulau'tie' rue'e diidza. Bunach tubaan'de tanáke: —¡Gat'ga rle'i'tu le guk na'a lu yu Israel!

Marcos 2:12

Na'teez bënni we' ni gyase len lau'ke yugute' bunach butuube xhte'e ati burooje na'. Nia'a ki le ni, yugute'ke gulubaan'de len glui'ke ba Dios, tanáke: —Gat'ga rle'i'kz'tu le guk na'dza.

Lucas 24:19

Le' bnaabe: —¿Bixh guk? —Gle'ke le': —Ka guk kie' Jesús bënni Nazaret, guke bënni be'e diidza ulaaz kie' Dios, len yëla wak xhën beene dxin len be'e diidza lau'e Dios len lau'ke yugute'ke bënni;

SAN JUAN 10:32

Ati Jesús gudxe leke: —Lu yëla wak kie' Xuuza le zian le dxia'a chi beena lau'li; ¿Nia'a ki bil'le glaadxi'li neda giaj?

SAN JUAN 10:37

Xhki ti ruuna le ruune Xuuza ti tzajle'li neda.

SAN JUAN 12:10

Na' bënni tunabe'i'de pxuuz gluune diidza ludëëd'de Lázaro,

SAN JUAN 12:45

Ati bënni rle'i'de neda rle'i'de lekz'ka' nu nusë'la neda.

SAN JUAN 14:9

Jesús bubi'e kie' diidza: —Felipe, xhtzei guk zua' len lbi'ili, ¿Ati ti numbe'i'du neda? Nu chi ble'i neda, chi ble'i Le' Xuuza; ¿Bixhkia' rnaabu glui'da'ne lbi'ili Xuuz'ru?

SAN JUAN 15:21

Yugute' le ni lusaka'ke lbi'ili nia'a kia', koma ti numbe'ke nu nusë'la neda.

SAN JUAN 15:22

»Bënni ni tibi xhgia' labia'ke nar'la neda ti duje'leen'ka'ne diidza. San na'a ti runn ti lazi'lu'naa'ke ki xhtu'la'ke;

SAN JUAN 15:23

koma bënni talei'de neda, lekz'ka' talei'de Xuuza.

SAN JUAN 16:9

Nuxh nap dula: bënni ti tayajle'ke neda;

SAN JUAN 3:2

Bënni ni yajyue Jesús chi'dzë'ël, len gudxe le': —Bënni Useed, nëëzi'tu ki Dios nusë'le'e li' naar kseed'du netu, koma nutunu gak gun yëla wak le ruunu li', nar'la Dios ti zue' len le'.

SAN JUAN 5:36

San napa le rdujxaka'lau kia' len zaki'i'r ka le dujxaka'lau'e Juan. Le neda ruuna, nak le Xuuz'ru Dios re' neda guuna, len runn'be' ki Le' nusë'le'e neda.

SAN JUAN 6:36

San ka chi guudx'kza lbi'ili, zala chi ble'i'li neda lbi'ili ti rajle'li.

SAN JUAN 7:31

Bënni zian gulayajle'ke Le' len tanáke: —Kati giide Cristo, ¿Naru gun're yëla wak xhën ka bënni ni?

SAN JUAN 9:32

Gat'ga ryëëni'ru lanáke ki tue' bënni guune ga gle'i'de tue' bënni ka guulj'ze na'chul lau'e.

SAN JUAN 9:41

Jesús bubi'e kieke diidza: —Nar'la lbi'ili nak'li bënni lau'chul ti kuia'li xhgia' ki xhtu'la'li. San koma rnaali ki rle'i'li, dxia'li xhgia'.

Hechos 10:38

Nëëzi'li ki Jesús ki Nazaret bdze'iz'de le' Bë' La'ay kie' Dios len yëla wak kie' gzua len le', ati Jesús gde' beene le nak dxia'a len buune yugute'ke bënni tutzaage lu ne'e bënni xëwi. Len le ni beene koma Dios gzue' len Le',

Hechos 2:22

»Guluzenaag bënni Israel le gie'a lbi'ili: ka chik'z nëëzi'li dxia'a, Dios blui'de lbi'ili yëla rnabe' kie' Jesús ki Nazaret, len beene lu ne'e Le' le rgu'u yëla rubaani, len yëla wak xhën le Le' blui'de ro'u.