SAN JUAN 13:1 - Porciones en Zapoteco de las Delicias

¹ Zia'a gdxin lni ki Pascua len Jesús guk'be'i'de ki chi bdxin dza rala jka'ane yëdz'lyu ni naar tzajdzaage Xuuze. Len Le' bdxi'i'tikz'de bënni'a da'ke Le' lu yëdz'lyu ni, ni guti'de bdxi'i'de leke.

Zapotec Isthmus

¹ Ca'ru uzulú saa pascua, peru maca nanna Jesús ma bidxiña hora iree ndaani guidxilayú ri', ibigueta ra nuu Bixhoze. Ne cásica bizulú gunaxhii be ca xpinni be ni nuu ndaani guidxilayú zaqueca nadxii be laaca dede yanna ra ma chi iluxe xhiiña be.

SAN JUAN 13:1 Iomraidhean Croise

Mateo 26:45

Na' budxiine ga nakua'ke bënni useed kie' ati gudxe leke: —¿Naru ni ras'li len ni ru'ueak'laadxi'li? Chi bdxin dza kati Xi'ine bënni ludëëde le' lu naa'ke bënni dula.

Mateo 28:20

Len guluseed'de luzenaage yugute' le chi gnabe'i'da lbi'ili. Le rak ulaaz kia', neda uzua' yugute' dza len lbi'ili na'a gdxin'te dza tzu'u lu'uudx ki yëdz'lyu ni.

Lucas 22:53

Yugu dza chi gzua' len lbi'ili lu gdou' len ti gxhën'li neda. San na'a nak dza kieeli, dza kati rnabe' le nak kie' bënni xëwi.

Lucas 9:51

Kati chi zua ga'la gdxin dza Jesús rala ubeene yewayuba, beene tzutzu laadxe'e len glu'e nëëz ziije Jerusalén.

SAN JUAN 11:55

Lati'iz ryaadzji gdxin lni ki Pascua kieke bënni Judea, lena'a bunach zian ki yugute' yëdz zjake Jerusalén zia'al ki lni' ni, naar luune le chi naleeb'kde tuune kati tupa'a kuin'ke.

SAN JUAN 12:23

Na' Jesús gudxe leke: —Chi bdxin dza kati Xi'ine Bënni gake xhën.

SAN JUAN 13:29

Ati koma Judas nak lu ne'e yëxhj dumi, la'ke glaki'de ki Jesús gudxe le' bi ga'awe ki lni'a u gnëëdzje lati kieke bënni yechi.

SAN JUAN 13:34

Xhba kub kie' Dios runna kieeli: Gdxi'i lza'a'li. Ka nadxi'i'da lbi'ili neda, ka' rala gdxi'i lza'a'li.

SAN JUAN 14:28

Chi byëëni'li gnia' ki wëëja len wëëda duzua' len lbi'ili yubl. Xhki leel nadxi'i'li neda, udziiji'li kati gnëëzi'li ki wëëja len Xuuz'ru, koma Le' nak're xhën ka neda.

SAN JUAN 14:31

ka' rala gak, naar yëdz'lyu gnëëzi ki neda nadxi'i'da'ne Xuuz'ru ati ruuna le gnabe'i'de neda Le'. »Gulsui. Waj'ru.

SAN JUAN 16:28

Ga zue' Xuuz'ru brooja naar biida yëdz'lyu ni, na'a rka'ana yëdz'lyu ni naar wëëja len Xuuz'ru.»

SAN JUAN 17:1

Buudx be'e diidza ni, Jesús byue' xhba len gne': «Xuuza, chi bdxin ur: beene xhën Bënni Xi'inu, naar Le' guune Li' xhën.

SAN JUAN 17:16

Ka neda ti naki'da ki yëdz'lyu ni lekz'ka' leke ti nakik'de ki yëdz'lyu ni.

SAN JUAN 17:26

Chi blui'kda'ne nuxh naku, len uluir'kda'ne, naar yëla nadxi'i kiu' neda sua len leke, ati naar kuin'kza sua' len leke.»

SAN JUAN 17:5

Na'a, Xuuza, ben neda xhën lau'u ka nak'kza xhën zia'at kati zia'a ga'ta yëdz'lyu ni.

SAN JUAN 18:4

San koma Jesús chik'z nëëz'de le rala gak, brooje len bnaab'de leke: —¿Nuxh rugiilj'li?

SAN JUAN 19:28

Gdëëd le ni, Jesús nëëz'de ki yugute' chi glak, len naar gza'a le rna' Diidza La'ay: gne': —Rbiidxa.

SAN JUAN 2:13

Jesús gyiije Jerusalén koma chi za' ga'la lni ki Pascua kieke bënni Judea.

SAN JUAN 6:4

Chi za' ga'la lni ki Pascua, lni kieke bënni Judea.

SAN JUAN 7:30

Na' gle'en'de lazëëne Le' san nutunu gxhën Le' koma ti rdxiini dza kie'.

SAN JUAN 7:6

Jesús gudxe leke: —Ti rdxiini dza glui'a nuxh naka, san kieeli lbi'ili biti'il dza nak dxia'a.

SAN JUAN 8:20

Jesús be'e diidza ni tzal rseed'de lu latj ga nakua'k gi'in ki gun ki gdou'. San nutunu gxhën Le', koma ti rdxiini dza kie'.