SAN JUAN 12:5 - Porciones en Zapoteco de las Delicias

⁵ —Gula'l to'u le ni, lunne ki tzka laaxhj'ru ki tson'gayua' dza naar gak'leen'ru'ne bënni yechi.

Zapotec Isthmus

⁵ ―Xiñee qué nidoo aceite rindá' naxhi ri chonna gayuaa denariu para ñaazi lú ca pobre.

SAN JUAN 12:5 Iomraidhean Croise

Mateo 18:28

»San kati burooje'a, bënni wendxin ni budzaage tue' bënni wendxin lze'e bënni rale'e kie' dumi ki tu'gayua' dza dxin. Gxhën'je yeene re'eni'kz'de gdëëd'de le', rne': “¡Gdiixhj le ra'lu'u kia'!”

Mateo 20:2

Gulabë'xhbei'de ki ugiixhje leke ki tu dza dxin, ati psë'le'e leke tzajen'ke dxin lu layeel kie'.

Lucas 12:33

Gulgu'ti' le de kieeli len gulunëëdzj kieke bënni nayaadzji'kde; gulgun bayuudx ga ga'ta kieeli yëla tzawi ki yewayuba le ti yu'u lu'uudx ki, len gulun'chi'i ga ti gak'ditji'kz, ga bënni gban ti gunn tzaazie len ga ti kë'ba be.

Lucas 18:22

Kati Jesús byëën'de le ni, bubi'e kie' diidza: Ni ryaadzj'r kiu' tu le guunu: beti'i dera le de kiu' len bnëëdzj kieke bënni yechi. Ka gunn ga'ta kiu' yëla tzawi ki yewayuba. Chi nak ka sa'leenu neda.

Lucas 6:41

»¿Bixhkia' ryu' bëta'yaag'a yu'u lau'e bënni bë'chu'u len ti ryu' bguugu'a yu'u lau'u?

SAN JUAN 12:4

Na' Judas Iscariote, bënni'a rala gdëëde Jesús lu naa'ke bunach, gne':

SAN JUAN 12:6

San keg tzka rki'i le' gak'leene bënni yechi gne' ki Judas, le nake bënni gban'a, len de' lu ne'e yëxhj dumi ati rbiaj'laane ley.

SAN JUAN 13:29

Ati koma Judas nak lu ne'e yëxhj dumi, la'ke glaki'de ki Jesús gudxe le' bi ga'awe ki lni'a u gnëëdzje lati kieke bënni yechi.

SAN JUAN 6:7

Felipe bubi'e diidza: —Ti gaki laaxhj'ru ki chop gayua' dza ga'awi'ru yajlí yët'xhtiil naar tu tu'ke la'la'ke tzarua'a ueaj.