SAN JUAN 11:55 - Porciones en Zapoteco de las Delicias

⁵⁵ Lati'iz ryaadzji gdxin lni ki Pascua kieke bënni Judea, lena'a bunach zian ki yugute' yëdz zjake Jerusalén zia'al ki lni' ni, naar luune le chi naleeb'kde tuune kati tupa'a kuin'ke.

Zapotec Isthmus

⁵⁵ Ma zeda yuba pascua. Stale binni de ca guidxi huiini que uyé Jerusalén, yeguni ca casi cá lu ley stica guni ca para guia ladxidó' ca', laga ca'ru uzulú saa que.

SAN JUAN 11:55 Iomraidhean Croise

Mateo 26:1

Kati Jesús buudx pseed'de leke yugute' le ni, gudxe bënni useed kie':

Mateo 26:2

—Ka chi nëëzi'kz'li, ye chop dza'z ryaadzji ki gdxin lni ki Pascua, ati le Xi'ine Bënni uludëëde le' lu naa'ke bunach naar luda'ke le' lu yaag kruuz.

Marcos 14:1

Ryaadzji chop dza gdxin lni ki Pascua, kati ta'we yët'xhtiil le ti yu'u le rzaaxh ley. Bënni tunabe'i'de pxuuz len bënni useed xhba kie' Dios tazu'tabë'e nakxh lazi'ye'i'de Jesús ki lazëëne Le' len ludëëd'de Le'.

Lucas 22:1

Chi zua ga'la lni ga ta'we yët'xhtiil le ti yu'u le rzaaxh ley, nazi' lei' lni ki Pascua.

SAN JUAN 12:1

Ni ryaadzji xop dza gdxin lni ki Pascua, Jesús gyiije Betania ga zue' Lázaro bënni'a buspaane lu yëla gut.

SAN JUAN 13:1

Zia'a gdxin lni ki Pascua len Jesús guk'be'i'de ki chi bdxin dza rala jka'ane yëdz'lyu ni naar tzajdzaage Xuuze. Len Le' bdxi'i'tikz'de bënni'a da'ke Le' lu yëdz'lyu ni, ni guti'de bdxi'i'de leke.

SAN JUAN 18:28

Guluche'ke Jesús liidxe Caifás, yulau'i kie' bënni rnabe'e Roma. Koma chi za reni, bënni Judea ti gulayaazie yulau'i'a, koma xhki na'a ulagitzje xhba ki le naleeb'kde tuune kati tupa'a kuin'ke, ati ti gunn la'we xhtzë' ki Pascua.

SAN JUAN 2:13

Jesús gyiije Jerusalén koma chi za' ga'la lni ki Pascua kieke bënni Judea.

SAN JUAN 2:6

Nakua' na' xop yu'su giaj ga tage'e nis le tuguu'ne dxin bënni Judea ka chi naleeb'kde tuune kati tupa'a kuin'ke. Tu tu yu'su ni raki ka tu gayua' yë'ën nis.

SAN JUAN 5:1

Gdëëd le ni, gyu'u tu lni kieke bënni Judea ati Jesús budxiine Jerusalén.

SAN JUAN 6:4

Chi za' ga'la lni ki Pascua, lni kieke bënni Judea.

Hechos 21:24

Pche'ke gultzajpa'a kuin'li dzaag'ku'ne ka chi naleebi'ru, gdiixhj tzka rala lutë'ke ki gunn luchuuge gitza ikj'ke, naar lale'i'de yugute'ke ki lekz'ka' li' ruunu le rna xhba kie' Dios, len ti nak lea tanáke kiu'a.

Hechos 21:26

Na' Pablo pche'e tap'ke bënni'a, len bueikj dza'a gulupa'a'ke kuin'ke; chi nak ka' gyaazie gdou' naar kixhjë'e batxh gza'a dza lun'ke lea guluxënelaadxe'e Dios, kati tu tu'ke rala tzajua'ke gun kieke.

Hechos 24:18

Ati le ni nugi'i'da ruuna gdëëd bupa'a kuina ka naleebi'tu rala gak, tibi ruzbë' ruuna len keg rë' bunach zian, kati la'ke bënni Judea ki yu Asia dujxaka'ke neda lu gdou', bënni'a rala liide lakua'ke ni ki ludxia'ke neda xhgia' xhki bixh nap'ke len neda.