شمېر 2:3 - Pakistani Yousafzai Pashto

^3-9 نمرخاتۀ طرف ته، چې څوک د يهوداه د لښکر د جنډې لاندې وى نو هغوئ به په خپلو ډلو کښې خېمې ودروى، د هغوئ د قبيلو د مشرانو نومونه دا دى. د يهوداه قبيلې مشر نحشون زوئ د عمى‌نداب، د قبيلې شمېر څلور اويا زره او شپږ سوه کسان دى، د يساکار قبيلې مشر نتنى‌ايل زوئ د ضُعر، د قبيلې شمېر څلور پنځوس زره او څلور سوه کسان دى، د زبولون قبيلې مشر اِلياب زوئ د حيلون، د قبيلې شمېر اووۀ پنځوس زره او څلور سوه کسان دى. دا ټول په شمېر کښې يو سل او شپږ اتيا زره او څلور سوه کسان دى. د يهوداه لښکر به مخکښې روان وى.

شمېر 2:3 Iomraidhean Croise

پېدايښت 35:22

چې کله يعقوب په هغه مُلک کښې اوسېدو، روبين لاړو او د خپل پلار د وينځې بِلهاه سره څملاستو، يعقوب د دې نه خبر شو او غصه شو. د يعقوب دولس زامن وُو.

پېدايښت 35:23

دا د لِياه زامن دى، روبين د يعقوب مشر زوئ، شمعون، ليوى، يهوداه، يساکار او زبولون.

اول تواريخ 2:10

د رام نه تر يَسى پورې نسب‌نامه داسې ده: رام، عمى‌نداب، نحشون چې دا د يهوداه د قبيلې يو مشر سړے وو،

اول تواريخ 5:2

خو د يهوداه قبيله تکړه شوه او ټولو قبيلو له يې يو بادشاه ورکړو، خو پېدائشى حق د يوسف سره وو.

هِجرت 6:23

هارون د عمى‌نداب لور اليسبع وادۀ کړه چې هغه د نحشون خور وه، د هغې نه يې ندب، ابيهُو، اِلى‌عزر او اِتمر پېدا شول.

شمېر 1:5

دا هغه سړى دى چې د خپلو قبيلو مشران دى، کوم چې ستاسو د ملګرتيا دپاره د قوم نه خوښ کړے شوى دى يعنې د روبين د قبيلې نه اليصور د شدِيُور زوئ، د شمعون د قبيلې نه سلومى‌اېل د صورى‌شدى زوئ، د يهوداه د قبيلې نه نحشون د عمى‌نداب زوئ، د يساکار د قبيلې نه نتنى‌ايل د ضُعر زوئ، د زبولون د قبيلې نه اِلياب د حيلون زوئ، د اِفرائيم د قبيلې نه اليسمع د عميهود زوئ، د منسى د قبيلې نه ګملى‌اېل د فداهصور زوئ، د بنيامين د قبيلې نه ابِدان د جدعونى زوئ، د دان د قبيلې نه اخيعزر د عمى‌شدى زوئ، د آشر د قبيلې نه فجعى‌اېل د عکران زوئ، د جاد د قبيلې نه اِلياسف د دعو‌اېل زوئ، د نفتالى قبيلې نه اخيرع د عينان زوئ.

شمېر 10:5

کله چې بيګل په لنډ آواز وغږيږى، نو د نمرخاتۀ په طرف قبيلې به خېمې وړى.

شمېر 3:38

موسىٰ، هارون او د هغۀ زامنو نمرخاتۀ طرف ته د مقدسې خېمې په مخکښې خېمې ودرولې. هغوئ د هغه خِدمت ذمه وار وُو چې د بنى اِسرائيلو دپاره په مقدس ځائ کښې کېدلو. بل هر چا چې د دې د کولو کوشش کړے وے نو هغه به وژلے شو.

شمېر 7:12

هغوئ به په دې ترتيب باندې خپلې نذرانې پېش کړى. په وړومبۍ ورځ د يهوداه قبيلې مشر نحشون زوئ د عمى‌نداب، په دوېمه ورځ د يساکار قبيلې مشر نتنى‌ايل زوئ د ضُعر، په درېمه ورځ د زبولون قبيلې مشر اِلياب زوئ د حيلون، په څلورمه ورځ د روبين قبيلې مشر اليصور زوئ د شدِيُور، په پينځمه ورځ د شمعون قبيلې مشر سلومى‌اېل زوئ د صورشدى، په شپږمه ورځ د جاد قبيلې مشر اِلياسف زوئ د دعو‌اېل، په اوومه ورځ د اِفرائيم قبيلې مشر اليسمع زوئ د عميهود، په اتمه ورځ د منسى قبيلې مشر ګملى‌اېل زوئ د فداهصور، په نهمه ورځ د بنيامين قبيلې مشر ابِدان زوئ د جدعونى، په لسمه ورځ د دان قبيلې مشر اخيعزر زوئ د عمى‌شدى، په يوولسمه ورځ د آشر قبيلې مشر فجعى‌اېل زوئ د عکران، په دولسمه ورځ د نفتالى قبيلې مشر اخيرع زوئ د عينان. هره يوه نذرانه چې راوړلے شوه مِقدار يې دا وو، يو د سپينو زرو جام يو نيم کلو او يو د سپينو زرو ښانک اتۀ سوه ګرامه، دا د منلے شوى معيار په مطابق وُو، دا دواړه د اوړو نه ډک وُو او تېل ورسره ګډ وُو، دا د غلې نذرانې دپاره وُو، يو د سرو زرو لوښے يو سل او لس ګرامه د خوشبويۍ نه ډک وُو، يو سخے، يو ګډ او د يو کال ګډُورے، دا د سوزېدونکې نذرانې دپاره وُو، يو د چېلۍ بچے د ګناه نذرانې دپاره وو، او دوه غوَيى، پينځۀ ګډان، پينځۀ چېلى او پينځۀ يو کلن ګډُورى د سلامتۍ نذرانې دپاره وُو.

د مالِک عيسىٰ مسيح په حقله د متى زېرے 1:4

د رام نه عمى‌نداب پېدا شو. د عمى‌نداب نه نحشون پېدا شو او د نحشون نه سلمون،