Genesis 1:3 - God Vonana Vovokaravina

³ Vaghina ma God ivona bo, “Yasegana ketupuwa” da iyaghari.

Genesis 1:3 Iomraidhean Croise

Genesis 2:4

Kunuma ma dobu varagutugutuna ma ikikava Bada God iyamoni na weni. Kunuma ma dobu iyamoyamoni,

Matiu 8:3

Ma Yesu ivororona da ivotovoni. Ma ivonei bo, “Akayokayowei. Aibiibiinim ma keyawasa.” Ma yaghiyaghinai giipo gwabinai ikovi.

Jon 1:5

Ma yasegana gweyurina nubakutuva kamonai ekarakarata ma nubakutuva ke kovokovoghina da ita ghekuyowei.

Jon 1:9

Ma wawaya ivi akovisi da yasegana vaghata na ku dobu ina nekiibau da wawaya peyarisi yasegana ina veresi.

Jon 11:43

Yesu inipowana ikovi na gamo tepanai ikiirara bo, “Lasaras, kekiibau.”

Jon 3:19

Ikikava God wawaya ini tupaviresi ma ini wavusi na weni. Yasegana ipisi ku dobu, ma wawaya ibarei da didibara ekayokayowei, iyamna i bera na beroberosi.

2 Korint 4:6

God ivona bo, “Yasegana nubakutuva kamonai ina ruyaghari.” Ma bade iberai da ina yasegana nuwanuwata kamonai ina ruyasegana. Ma Yesu maghighina ina yasegana takitakitai na God kana kadara akovina taviiviini.

Epesas 5:14

iyamna yasegana gwabimiyai ekarakarata na bera peyarina idebei da matatiyai takitakitai. Tuna kubiine tavonavona bo, “Kenanunuwapim, kerumataka! Rabobowai kevomiiri, ma Keriso ku yasegana ina terem.”

Epesas 5:8

Rorova na Bada koveyiyei da tami nubakutuvai komakamakai. Ma wekarakava na tami Bada ina wawaya da yasegana kamonai komakamakai. Tuna kubiine yasegana wawayisi ikikava emakamakai na nakanani kona makai,

1 Timoti 6:16

Tuna ina kina kava makamakii nonowina ma yasegana rewapanina kamonai emakamakai da wawaya ke kovokovoghina ina miiririya kurina, ke sago wawaya ita kitai bo ina kitai. Kudubita tavokaravei ma rewapana taverei da mara nonowa ini kiivavo. Amen.

1 Jon 1:5

Keriso gwabinai sisiya kavi yanei na kurimi kaidebei na weni. God tuna na yasegana. Ma didibara berasi gwabinai kegha.

1 Jon 2:8

Tuna katamanina ma kegha da Keriso ipisi na sisiyina ivi vuni ma bade taku kurimi agirugirumi. Takovi da nani sisiyina bagibagina na vonavaghata, iyamna namada Keriso ina yawasa ivi debei ma bade ami yawasa idebei. Takitakitai da gwabimiyai didibara berasi na ekovikovi ma yasegana vaghata namada erakarakata.