Osee 9:10 - La Sainte Bible en Langue Yipunu

¹⁰ Fumu evosi rie: Nyimaleranguna baIsrael o kumu nderi mirayisan. Nyimalaba bataji benu nderi mifiga mitega tumba yika betoli o Bet-Peor bamakevega ombu Baal na bamakaluga nsoruru ne uviolila kosi aji bamasambilanga.

Osee 9:10 Iomraidhean Croise

1 Bakaga 16:31

Asamagukuyila bumasumu maJeroboam muana dibaala uNebat tumba amawela Jezabel muana mugetu uEtbaal kaga jibaSidon wandi va julu vana amakota muyitsa uBaal.

2 Bakaga 17:11

Avana bamanyensilanga bima bimbunga jiboti mu mbura tsiotsu tsiduyitsu, dedi mosi na bisi malongu aba Fumu amababingila, bamavaga mabi amamanyoyisa Fumu.

Nyimbu 115:8

Jogu abebavali bebagunu na bonyi.

Nyimbu 81:12

Tumba batu bami basamagulu diufi diami, Israel basamadedila.

Duimbu Adutviolili Nyimbu 3:6

Anyi eruyili o yiari yikumu nderi nsumbili ajivandumusi mbunga jimira na minongu miotsu misusu mimbungajiboti mibatiyitsi bamuteti?

Esaie 28:4

bafelera abamanengana abelasi kembu jiyibususu ayivu na digumba bamatsiarulu. Bavu nderi mufiga agumawela mbe ne temu dutsonsugu jisakatola yika begudokuli besundili uji.

Jeremie 11:13

Aa Juda, dutalu dubansambi bagu duvu dedi na dutalu dumisiengi miagu! Dutalu dubinyensulu bipagu bibakosi duvu dedi na dutalu dumansila maJerusalem, binyensulu bipagu biuvagulila Baal bima bimbunga jiboti.

Jeremie 24:2

Ponsi mosi jimaba na mifiga miboti nderi migumuga. Ponsi jisusu jimaba na mifiga mibi amisamarungula uligu; mimabola.

Jeremie 3:24

Ubanda va bungebi buetu muyitsa uBaal umadaga digumba dibataji betu; nesi bindombu nesi bangombi nesi baana bababaala na babagetu.

Jeremie 3:25

Jetu na bataji betu tumabasa de na yisonyi na tumanyongulu; tumavaga masumu va gusu Fumu Nsambi etu ubandila va bungebi buetu te na namunyi. Tusamadedila diufi diFumu Nsambi etu.

Jeremie 31:2

Fumu jandi rie: Batu abasamaboku na dubungu bamalaba maboti maFumu o kumu; baIsrael uwenda bewendi o yivumu yiogu.

Jeremie 5:31

babiyitsi bebiyi mfurulu. Bavagulitsi bapagu berumi nana berondili, batu bami belabi ubueji na motsu mana. Yi duvaga va disukusulu?

Ezekiel 20:8

Jogu bamakaluga mimbini miami na ba-samaronda ukulu. Ne mutu mosi asamabusa bansambi bangana abamamudililanga nsoruru na basamabusa bakosi baEgypte. Nyimadila ditasa ubawitilila kabu ami nesi ujilasa o bulongu buEgypte.

Osee 11:1

Fumu evosi rie: Ava Israel amabila mufudu nyimamurondanga na nyimamupalisa o Egypte.

Osee 13:5

Menu nyimaba mubungulitsi agu o kumu va mbura jidukanga.

Osee 2:15

Fumu evosi rie: Nyumukilisa dedi mosi na bilumbu abi amavagulila Baal bima bimbunga jiboti abi amaduarila mioru miandi na misanga miandi ava amayenadukilanga maronda mandi abi amandibinina.

Osee 4:14

Ngokilisa baana benu babagetu mu mbari bavu bimbembu nesi baboji benu mu mbari bavu bimbembu. Nyudukilisa mu mbari duipembusi baana babagetu nsila, uyevagula pagu va mosi na bimbembu bimandagu mabansambi. Nongu jivosi rie: Biduka bibatu uwenda bewendi o dubungu.

Osee 4:18

Badundi, bayenaviosulilanga kulini tsiogu nesi bumbembu buogu. Basefu bogu bagelabi ne yisonyi.

Amos 4:5

Vagulanu pagu tsienu tsikabusulu tsimaboti atsivu na dufunu duneni! Wansanu muansu na tubulanu pagu tsienu, pagu tsiotsulsitondini! Fumu oyidivosi

Michee 7:1

Ka muna maguga ma nyilabi! Nyivu nderi mutu va temu dutsonsugu dumilunda nesi va temu beboli abimasialulu: vagaa ne bisaga uji vagaa ne mifiga ami nyirondi.

Dutalu 15:39

Ava dunamiyila matsatsa meni na ava dumagengililanga durangiminanga maruma motsu maFumu na dumadukanga, dugomueduka nsala tsienu tsimunongu na munongu atsiudurombisa uvaganga kulini.

Dutalu 18:13

Biotsu biumanga abi bodila mu manungi mogu abi bobega ombu Fumu biuba biagu. Mutu uotsu aguba ulioma o ndagu agu orungula ubiji.

Romains 6:21

Yi dumadila? Tsiri yisalu, yika yisonyi ayimadubega o dufu.

Migaga Mimatubula 32:10

Fumu amarasuna baIsrael o tsi jigumuga, o mbura jibupinsa agumagumbanga nduku tsikulini. Amabagaga na amababamba, amabakelisa nana yikokosi yiandi

Migaga Mimatubula 32:17

Jenu baIsrael dumavagulila bakosi abagaa Nsambi pagu, ombu bansambi aba dusamalejabanga, ababanoruga yika namapapa aba bataji benu basamadumanga.

Migaga Mimatubula 4:3

Jenu beni dumalaba adi Fumu amavaga mu diambu diBaal-Peor: Fumu Nsambi enu amabunga botsu abamakota o muyitsa uBaal-Peor.

Bansonsi 6:32

Muna yilumbu yieni bamaluyila Gedeon Yeroubaal ava bamavosila rie: Baal akewamusa mu mbari Gedeon amapansa yinyensulu yiandi yipagu!