Osee 8:5 - La Sainte Bible en Langue Yipunu

⁵ Jenu bisi Samarie, uviolila ubueji ubusa muana enu ngombi ulora! Nyimadunyoyila tindi kabu. Te na temu yi dubanganga na nsiembu?

Osee 8:5 Iomraidhean Croise

2 Misamu 13:8

Mbana duitasi ugagana na bufumu abu Fumu amavega ombu bategula baDavid. Duvu bapuela bapuela na duna bansambi bangana abavu baana babangombi balora aba Jeroboam amaduvayila.

Nyimbu 19:13

Anyi orungula ujaba nsimbulu tsiandi? Kokolu, tandi nsimbulu atsi nyimavaga tsiri ujaba.

Banongu 1:22

Diwivuli rie: Biduka, te na temu yi durombilanga buduka buenu? Te na temu yi jenu badesitsi dundensilanga? Te na temu yi jenu bifufu duvinanga dujabu?

Esaie 45:20

Gukamanu na ruganu, bambananu va mosi, gukiganu bansialutsu bamalongu! Jogu abavu na bakosi bamiri bagaa na dujabu na besambili nsambi ajigorungula ubawaka kalala.

Jeremie 13:27

Nyimalaba bumbembu buagu na banyungilitsi bagu na nsoruru tsiagu tsineni va julu tsimikongu nesi o kumu; nyiina, tindi nsoruru tsiagu. Ka muna maguga ma gulaba Jerusalem! Te na temu yi gubanganga na muinsi?

Jeremie 4:14

Jerusalem, pa guirondi uwaku kalala, gusula mabi motsu mu murima agu. Te na temu yi gukelisilanga tasulu tsiagu tsikulini o gari murima agu?

Jeremie 48:13

Moab olasu yisonyi na nsambi andi Kemoch, dedi mosi nana baIsrael bamalabila yisonyi yiBethel nsambi aji bamavayila yitu.

Osee 10:5

Bisi Samarie boyitsa muana ngombi ulora o Beth-Aven. Batu na bavagulitsi bapagu bandi boduara yifuila. Bogamuganga ava bundumba bu-uonyi butsiemuyila va gari ogu.

Osee 10:8

Mbura tsiduyitsu atsi baIsrael bamavayilanga masumu tsimabungu; matsiendi na kengitsi biubenda va binyensulu biogu bipagu. Botsingula mikongu rie: Tukubiyianu! Tuvikianu!

Osee 13:2

Mbana batu bandi bemuevayingi masumu, besulumusi lora tsiogu tsivema uvaga bitumba na bamavaga bakosi na buketi buogu. Bevosi rie: Vengu tumuvagulila pagu! Befifi baana babangombi! Ka muna mbela ji!

Osee 8:6

Muana ngombi enu ulora uvu yisalu yibaIsrael Musalitsi amagusala, ugaa yisalu yiNsambi. La dibandu muana ngombi ulora uSamarie ubululu.

Amos 8:14

jogu abamaleva pesi na bansambi bangana baSamarie rie: Aa Dan, nsambi agu abi nsambi! Nsila Bercheba jibi mutubu! Botsu bana boberuga te na bagomuesimbuga.

Michee 1:7

Bitumba biotsu biSamarie bibubulu, futa tsiandi tsinsoruru tsiunyensu o muji na nyubunga bakosi bandi botsu abamadilu na futa tsinsoruru atsina tsiuba yisaku yibuvuyisa.

Bisalu 7:41

Ava Moise amabila o julu mukongu jogu bamavaga kosi na bamalaba ubueji na jionyi.

Migaga Mimatubula 32:22

Nyiina, nyunyoga tindi munyongu ukambusa butamba na biandi biotsu umanyensa nesi mabandu mamikongu.