Osee 8:14 - La Sainte Bible en Langue Yipunu

¹⁴ Israel amalibana agumamusunda, na amarungisa mandagu mabukaga. Juda amafunisa misiengi mikandu. Tumba meʼ nyutinda muji usielasana misiengi miogu nesi mandagu mabukaga.

Osee 8:14 Iomraidhean Croise

1 Bakaga 12:31

Jeroboam amarungisa mbura tsinsambi na amasingisa batu abasamaba bisi Levi uba bavagulitsi bapagu.

1 Bakaga 16:31

Asamagukuyila bumasumu maJeroboam muana dibaala uNebat tumba amawela Jezabel muana mugetu uEtbaal kaga jibaSidon wandi va julu vana amakota muyitsa uBaal.

2 Bakaga 18:13

Yilima yiyigumi na bina bidurumu duEzekias Sennakerib kaga jiAssyrie amayetoyisa misiengi miotsu mikandu mibufumu buJuda na amamipatula.

2 Misamu 26:10

Amamuerungisa mandagu masakama o kumu na amatimisa biduna bimamba bipuela mu mbari amaba na migamba mipuela mipuela o bibisusu no kumu na bafutsitsi na bakelisi bamfuga tsirayisan o mikongu no Karmel mu mbari amarondanga bisalu bieni.

2 Misamu 27:4

Amamuerungisa misiengi o mukongu uJuda na mandagu masakama mamunongu na munongu o musiru.

Nyimbu 106:21

Bamalibana Nsambi Mugobutsi ogu, agumavaga mambu maneni o Egypte,

Nyimbu 95:6

Tʼwendianu, tumuyitsianu nogudama, tukutama va gusu Fumu aguvu Musunditsi etu!

Esaie 17:10

Israel, gumalibana Nsambi agumagugobula. Gusamarangimina dimanyi adimaba yisuemunu yiagu. La dibandu gumakeveyila uvarisa manungi yingitsi.

Esaie 29:23

Ava baana bandi bolabila bisalu biami va gari ogu bojaba yiri menu nyivu Nsambi Jacob na boduma menu Nsambi Israel.

Esaie 42:13

Fumu olabana nana ngogaga owenda o gusu nana mutoyitsi umavita; omatisa diufi na ogamuga olasa mangolu mandi ombu bavinitsi bandi.

Esaie 42:25

La dibandu Fumu amalasila baIsrael tindi kabu andi nesi kabu jidivita; divita dimabakambisa o biari biotsu ne nana basamatsiyisa diambu; dimabatsoyisa ne nana basamakipa.

Esaie 43:21

Batu aba nyimasunda bosamuna duyitsu duami.

Esaie 9:10

Kabogu Fumu ordiga muvinitsi ogu Ressin; owarisa bavinitsi bogu.

Esaie 9:9

Birika bimapansiga, turunga yika na mamanyi; misikomora mimawangu, tuvinsa misedera.

Jeremie 17:27

Tumba pa dugegulu ava nyidurumini ukelisa yilumbu yiuvuma yingitsi nesi ubusa unangula mifuna muna yilumbu yieni nesi umikotisa o Jerusalem, kabogu nyubangisa muji va biabutsu bimusiengi usielasana mandagu mabisi Jerusalem na ugotsima via!

Jeremie 2:32

Je numba elibini kembu tsiandi? Je agumakumu elibini beleeti andi? Nesi, tumba jenu batu bami dumandibana kala.

Jeremie 23:27

Mutu mutu ewalulili mutu nandi mandosi, bana ditasa urombisa batu bami undibana. Anana bataji bogu bamandibinina uyitsa Baal.

Jeremie 3:21

Diufi dimagulunu o julu tsimikongu, dimaba milingi na ndembu tsibaIsrael; bamapembuga nsila, bamandibana menu Nsambi ogu.

Jeremie 5:17

Bomanisila digumba dienu nesi biguji bienu nesi baana benu bababaala na babagetu nesi bangombi benu nesi rayisan tsienu nesi figa tsienu; bobunga misiengi mienu mikandu ami dumavayila yitu.

Ezekiel 23:35

La dibandu nyivosili rie: Mu mbari gumandibana na gumandiyila nsima kabogu gunangula mbela jibuvuyisa buagu na jibumbembu buagu.

Osee 13:6

Mbana gumadila biguji biagu na gumagukuru. Gunogukuru, gumabasa na nsangu; la dibandu gumandibinina.

Osee 2:13

Nyutsiemusa nsangu andi jiotsu nesi bafeta bandi: bisusungi na bilumbu biandi biuvuma.

Osee 4:6

Batu bami bamabungu mu mbari bagenjabi. Ndeʼ gumabusa unjaba kabogu nyugubusa na gupatulu buvagulitsi bupagu. Ndeʼ gumalibana migaga miNsambi agu, meʼ wami nyulibana baana bagu.

Amos 1:10

Nyunyensa bivaga biTyr na muji usielasana mandagu maboti.

Amos 1:12

Nyunyensa Tern an na muji usielasana mandagu maboti amavu o Bosra.

Amos 1:14

Nyunyensa bivaga biRabba na muji usielasana mandagu maboti, voba nduku nderi migamu midivita nesi nana yimbongila mu yilumbu yimungudi mu yilumbu ayi betoyili.

Amos 1:4

Nyunyensa ndagu kaga Hazael na muji usielasana ndagu kaga Ben-Hadad.

Amos 2:5

Nyunyensa bulongu huJuda na muji usielasana mandagu maboti amavu o Jerusalem.

Ephesiens 2:10

Nsambi aji musunditsi na tunofubana mirima na Jesus Christ amagana yiri tusala bisalu biboti; bisalu abimaganu nandi kala kala.

Migaga Mimatubula 32:18

Jenu baIsrael dumaliyila dimanyi adimadubura nsima, dumalibana Nsambi agumadubura!