Osee 7:11 - La Sainte Bible en Langue Yipunu

¹¹ Efraim avu nderi yifufu yidibembi adivu na buduka, erombi duwamusu duEgypte na ewendi ombu bisi Assyrie.

Osee 7:11 Iomraidhean Croise

2 Bakaga 15:19

Poul kaga jiAssyrie amaruga o bulongu buIsrael; Menahem amavega Poul magumarieru matona tsilora jivema yiri omuwamusa uwarisa bufumu buandi.

2 Bakaga 16:7

Ahaz amatinda bulumbi ombu Teglath-Phalasar kaga jiAssyrie uyemutsingula rie: Menu nyivu musalitsi agu na muana agu udibaala; ruga yikuaka kalala ombu kaga jiSyrie na kaga jiIsrael abetumuni.

Banongu 15:32

Jandi oyibusi ulonsu ekevina tumba jandi oyigulu nsiembu edili dujabu.

Banongu 17:16

Mbongu atsivu va dikaka diyiduka tsi yi? Usumba diela? Agaa na diela via.

Banongu 6:32

Tumba jandi oyivayi bumbembu na mugetu avu yiduka; jandi oyivayi nana, erondi uketsiemusa.

Jeremie 2:18

Dibandu yi guwendila o Egypte Yika uyenu mamba mamujamba uNil? Dibandu yi guvioyila mu nsila jiAssyrie yika uyenu mamba mamujamba uEuphrate?

Jeremie 2:36

Dibandu yi guvu nsumbumbu uvinsa nsila? Gulasu yisonyi na bisi Egypte nana gumalasulu na bisi Assyrie.

Osee 11:11

Boruyila o Egypte wandi nderi yinombu yibatsoli, nesi o bulongu buAssyrie nderi yinombu yimabembi. Fumu evosi rie: Nyubagabusa o biari biogu.

Osee 12:1

Efraim emfuringi na baIsrael bendunsingi; Juda avu uNsambi na avu usigama uNsambi.

Osee 12:2

Efraim ekipi punga, eduki punga jiyiari ayi wisi epalili; yilumbu na yilumbu efunisingi mfurulu na dikasi; amavangana pangini na Assyrie na esumbisi matsi o Egypte.

Osee 14:3

Mulembiyilianu ndembu tsienu na gabuganu ombu Fumu. Mutsingulianu rie: Tanda mabi metu motsu; singa duyitsu duetu, tugeguvagulili balumi babangombi, tumba tuiguvagulili duyitsu duetu aduvu nderi pagu.

Osee 4:11

Bumbembu na malamu magala na malamu madisoga bibatsiemusi diela.

Osee 4:6

Batu bami bamabungu mu mbari bagenjabi. Ndeʼ gumabusa unjaba kabogu nyugubusa na gupatulu buvagulitsi bupagu. Ndeʼ gumalibana migaga miNsambi agu, meʼ wami nyulibana baana bagu.

Osee 5:13

Efraim elabi dibi diandi, Juda elabi mapura mandi; Efraim amawenda o Assyrie na amavosa na kaga Jareb. Tumba kaga eni agorungula udubelusa nesi ubuga mapura menu.

Osee 5:4

Bifu biogu bigebasingisi ugabuga ombu Nsambi ogu. Nsala jibumbembu jivu nogu na bagejabi Fumu.

Osee 8:13

Bebokisi bibulu abi bepagulili mbana bejangingi banyama. Menu Fumu ngelabi ubueji na tsionyi. Nyirangimim mabi mogu, nyubakilisa mu diambu dimasumu mogu. Bomuegabuga o Egypte.

Osee 9:3

Efraim agomuetsananga mu bulongu buFumu; ogabuga o Egypte nesi o Assyrie uyenajanganga biguji bimuinsi o Assyrie.

Osee 9:6

Uwenda duiwendi o dubungu. Egypte odudila, Memphis odutsiga. Bima bienu bidufunu duneni nesi lora biukubugu na kengitsi na mandagu menu mosiala mududu.

Abdias 1:7

Botsu abamafubana nogu bamagubingisa te no mandilu, bambatsi bagu bamagudunsa na bamagubetsa, jogu abamajanganga biguji biagu bamagurambila mirambu. Bevosi rie: Malengu mandi maka?

Matthieu 10:16

Jabanu rie: nyidusindiyi, duba nderi bindombu va gari baminsi. Kabogu jabanu usoga diela nana banyoga noba sui nana mabembi.