Osee 6:6 - La Sainte Bible en Langue Yipunu

⁶ Nyirondi yiri dutondanga tsiri yika upagulilanga pagu tsienu; nyirondi yiri batu bami bonjabanga tsiri yika upagulilanga pagu tsiunyensa.

Osee 6:6 Iomraidhean Croise

1 Misamu 28:9

Ndeʼ Salomon muana ami duka Nsambi taji agu nomusalila na tindi murima agu uotsu mu mbari Fumu ejabi mirima miotsu na ejabi matasa ne mbe masakatasu. Pa gumuromba, okelasa ombu gagu; tumba pa gumuliyila nsimajaʼ wandi ogubuaga mutubu.

Nyimbu 50:8

Nyidusiembi tsiri mu diambu dipagu tsienu, mu mbari duitsiveyingi temu tsiotsu.

Banongu 21:3

Uvaga adivu diwelimina na disungama melasi Fumu ubueji tsiri umuvagulila pagu.

Mambu Mamungo Diela 5:1

Guyasundila uvosa, guyasundila uvangana pangini na Nsambi; Nsambi avu o julu na ndeʼ guvu vava tsi: posulu tsiagu tsiyafunanga.

Esaie 1:11

Fumu amawivula rie: Yi nyuvaga na pagu tsienu tsipuela tsipuela? Nyimatopulu pagu tsiunyensa atsivu balumi babindombu na matsi mabangombi; ngelabi ubueji na malungu mabalumi babangombi nesi mabindombu na mabinsabi.

Esaie 58:6

Ubusa uji aguindasi ubueji agugu: Nyangula bapanga abamatungu matutunga, surula mikudu mibakoli, jeyisa abamakambulu, pansa bilala bimunongu na munongu.

Jeremie 22:16

Amatabulila yijaga na agumakambulu bunsonsi na dusungugu mbana bamatsana na nsangu. Fumu amavosa rie: Tsiri amana amamandasa yiri amanjaba?

Jeremie 7:22

Ava nyimapalisila bataji benu o bulongu buEgypte nyisamalebavega ne diruma dimosi mu diambu dipagu tsiunyensa na dipagu.

Daniel 4:27

na amagamuga rie: Agugu tsiri Babylone aguneni agu nyimarungisa? Ajiji tsiri ndagu kaga aji nyimarungisa na mangolu mami uroyisa buneni buami?

Osee 14:2

Israel, gabuga ombu Fumu Nsambi agu, mabi magu mamagurombisa utsimbu.

Osee 2:20

Muna yilumbu yieni nyukunsila batu bami pangini na bibulu bimusiru na batsoli na bilandila. Nyutsiemusa pita mu bulongu nesi dijenga nesi divita na nyubatsanisa na mirima misunda.

Osee 4:1

BaIsrael guluanu mambu maFumu! Fumu ana musosi na bisi bulongu; ngensa jigatsi, yingeba yigatsi na bulongu buotsu bugejabi menu Nsambi.

Osee 8:13

Bebokisi bibulu abi bepagulili mbana bejangingi banyama. Menu Fumu ngelabi ubueji na tsionyi. Nyirangimim mabi mogu, nyubakilisa mu diambu dimasumu mogu. Bomuegabuga o Egypte.

Amos 5:21

Fumu amavosa rie: Nyivini na nyilensi bafeta benu, ngelabi ubueji na bibenguna bienu.

Michee 6:6

Na yima yi nyulabana va gusu Fumu, ukutama va gusu Nsambi Aguvu Uneni? Je nyulabana na pagu tsiunyensa atsivu baana babangombi abakavu yilima yimosi?

Michee 6:8

Bamadujabisa adivu diwelimina nesi adi Fumu eduwivuli. Kipanganu dusungugu, banganganu bango yingeba, kesunsanu va gusu Nsambi enu.

Matthieu 12:7

Pa duijabi divindugulu diBisonu abisonugu rie: Ngerondi yiri dupagulila bibulu tumba banu na yingeba mbana dugomuevega mbela ombu basusu abagaa na diambu.

Matthieu 5:7

Ka muna ubueji gu, uvu na bango yingeba: Nsambi obalasa yingeba!

Matthieu 9:13

Lewijianu Bisonu abisonugu rie: Ngerondi yiri dupagulila bibulu tumba adi nyirondi yiri duba na yingeba. Nyisamaruga ombu batu baboti tumba nyimaruga yiri bango bikumbu bokalula diela.

Marc 12:33

Kabogu mutu arondi Nsambi na murima andi uotsu na matasa mandi motsu na mangolu mandi motsu na arondi mutu nandi nana ekerondila. Uviolila ubueji udedila maruma memama mabeji tsiri ubeganga bibulu biunyensa pagu ombu Nsambi nesi umuvagulilanga pagu tsiotsu tsisusu.

Josue 5:5

Batu beni botsu abamapalila o Egypte bamaba barebu; tumba botsu abamaburulu o kumu muna nsila ava bamapalila o Egypte mbe basakarebu.

1 Jean 2:3

Pa tuidedili maruma maNsambi adina dilasi yiri tumamujaba.

1 Jean 3:6

Uotsu oyifubini murima nandi agemuevaga masumu, uotsu oyivayi masumu asakamujaba.

1 Samuel 15:22

Samuel amawivula rie: Je Fumu elabi ubueji na pagu tsiunyensa na pagu vo ava mutu ededili diufi diandi? Nesi! Jandi erondi dululu uviolila pagu tsiunyensa na erondi dukelusu dumambu mandi uviolila matsi mabalumi babindombu.