Osee 6:3 - La Sainte Bible en Langue Yipunu

³ Tujabianu avu Nsambi; turombianu ujaba Fumu. Durugu duandi dulabana nana ava wisi etebuyili. Oruga ombu getu nderi mfula, nderi mfula jimutubu ajitsatsi butamba.

Osee 6:3 Iomraidhean Croise

2 Samuel 23:4

avu dedi nayijalala yikedi ava wisi uibalili na kedi jigaa na mamungi; misasi miandi, mfula jinokamuga, mibendisi biriri.

Job 29:23

Bamapiva dedi mosi nana bevivili mfula dedi mosi nana bevivili mfula jimutubu.

Nyimbu 19:4

Vagaa mbembu, vagaa mambu, diufi digegulunu.

Nyimbu 19:6

Wisi uibagunu na yiwela-mugetu oyipali o ndagu andi, nesi na ngogaga aguvu ukunsama utoga.

Nyimbu 63:8

ndeʼ guvu muwamusi ami. Nyutuba nyimbu na nsangu o tsi yidumbitsi yimapapi magu.

Nyimbu 65:9

Jogu abetsani o masuka mabutamba belabi tindi goma ava belabili bimaga biagu; guibasi bisi tandu na bisi banda na nsangu.

Nyimbu 72:6

Kaga abi nderi mfula ajinogulu va butamba bufutsu, abi nderi disala aditsatsi butamba.

Banongu 4:18

Nsanunu jibatu basungama jibagunu na yijalala ayilulingi va matebugulu te na muangulu.

Esaie 2:3

Na bisi malongu meni bovosanga rie: Tʼwendianu, tumatianu o mukongu uFumu nesi o Ndagu Nsambi Jacob. Fumu otulonsa ama erondi yiri tuvaga na tuvioyilanga mu mansila mandi. Mu mbari malongi maFumu meruyili o Jerusalem; mbembu andi jiulonsulu o Sion.

Esaie 32:15

Yilumbu yimosi, Fumu otuwitilila Yinyunyi yiandi te no kumu jiukaluga nungi na nungi eni jiugengulungu nderi musiru.

Esaie 44:3

Mu mbari nyuwitila mamba va mikamuyila na mijamba migeyi va mbura atsigaa na mamba. Nyuwitila Yinyunyi yiami va bategula benu na nyugabila bategula benu miula.

Esaie 5:6

Nyujipansa, jigomuekelusu na jigomuevaru; kengitsi na mikuga biubenda muna; nyuruma mamungi yiri magomuenoyisa mfula muna.

Esaie 54:13

Baana bagu botsu boba badukitsi bami, bobanganga na maboti mapuela mapuela,

Jeremie 24:7

Nyubavega murima utsiyisa yiri nyivu Fumu; jogu boba batu bami, menu nyuba Nsambi ogu pa bogabuga ombu gami na murima uotsu.

Ezekiel 36:25

Nyuduwitila mamba malioma na duliomusu; nyuduliomisa muinsi enu uotsu nesi ubakosi benu botsu.

Osee 10:12

Kevarilanu dusungugu ketsonsiyilanu yingeba, sagulanu nungi jigona! Temu ejiji la temu uromba Fumu. Oruga nderi mfula, oduwitilila dugobutsu.

Osee 14:5

Fumu evosi rie: Nyubuga bubomfi buIsrael, nyumuronda tindi uronda; nyimamana umunyoyila.

Osee 14:6

Nyuba nderi disala ombu gandi, adiumutsatsa, adiumurombisa uwansa nderi lisa, ofunisa ngansi nderi miri miLiban.

Osee 2:20

Muna yilumbu yieni nyukunsila batu bami pangini na bibulu bimusiru na batsoli na bilandila. Nyutsiemusa pita mu bulongu nesi dijenga nesi divita na nyubatsanisa na mirima misunda.

Michee 4:2

Mbana batu bapuela bokotanga guna na bovosanga rie: Tʼwendianu, tumatisanu o mukongu uFumu no Ndagu Nsambi jiJacob yiri tulonsu mambu mandi na tuvioyilanga mu mansila mandi. Migaga miuypalila o Sion na MbembuFumu jiupalila o Jerusalem.

Michee 5:2

La dibandu Fumu obawakisila ombu batu abebavini te na vana jandi agubura oburila na bansialutsu babaana bandi bogabuga ombu baIsrael.

Michee 5:7

Bansialutsu baIsrael bolabana va gari malongu nesi va gari batu bapuela bapuela nderi yimbungu va gari bindombu. Ava evioyili enyiyi na evopuli na mutu agebiwaki kalala.

Zacharie 10:1

Wondanu mfula ombuFumu, mfula jimutubu! Fumu opalisa tsiemu nodutindila mfula jineni, obendisila mutu mutu bivaru o nungi andi.

Matthieu 13:11

Jesus amabagabusila rie: Dujabu dubimaga biDurumu duNsambi dumaduvegu, tsiri ombu basusu.

Luke 1:78

Nsambi etu ana yingeba na murima udeda. Obatsa yijalala yijulu mu mirima mietu ayiubagunu na yijalala yiwisi.

Jean 17:3

Monyu umutubu la gugu rie: Ujaba yiri ndeju guvu Nsambi mosi buandi jingensa nojaba yiri jandi agu gumasindiga la Jesus Christ.

Jean 7:17

Mutu uotsu oyivayi duganu duNsambi ejabi yeri malongi mami meruyili ombu Nsambi vo mavu amami.

Bisalu 17:11

BaJuif beni bamabakelisa uviolila bisi Thessalonique. Bamagulungu malongi liyiyi; yilumbu na yilumbu bamakelulanga Bisonu ujaba yeri ama Paul amalonsa mamaba mangensa.

Migaga Mimatubula 32:2

Malongi mami madekingi nana maberi mamfuia mambu mami magolumuyi nana disala, nderi manogu mu bisinga na nderi maberi mamamba mu magaji!

Hebreux 3:14

Jetu botsu tumafubana mirima na Christ na tuba abandi pa tugotsiemusa yitu ayi tumaledila va dibandu.

2 Pierre 1:19

Jetu tuisingisili yiri mambu mababiyitsi mavu mangensa. Nana Iambi jimonitsili va mbura ajivu pisama te na wisi uitebuyi, munongu mosi mambu mambigulu moduwarisa te na Fumu, omalugu Mbuelili ajiluli kedi oruga.

Dulasu 22:16

Menu Jesus, nyimasindiga yiansa yiami usamuna mambu memama ombu mabundu. Nyiji mutegula uDavid na nyiji mbuelili ajiluli kedi.