Osee 4:7 - La Sainte Bible en Langue Yipunu

⁷ Nana bavagulitsi bapagu bamafunina anana masumu mamafunina; bamasopana meʼ aguvu bundumba buogu na bakosi bansoruru.

Osee 4:7 Iomraidhean Croise

Esdras 9:7

Jetu botsu tuna mbela ubanda va temu bataji betu te na namunyi na mu diambu dimabi metu tumawakusulu jetu na bakaga betu na bavagu litsi betu bapagu ombu bakaga bangana, tuma laba divita nesi buviga na bima bietu bimaki ndu te na tuilabingi yisonyi.

Osee 10:1

BaIsrael bamaba nderi mfuga ajiburi mirayisan mipuela. Nana milunda mimafunina anana bamafunisila binyensulu bipagu; nana bulongu buogu bumabila na digumba anana bamabuejisila bitumba.

Osee 10:6

Kosi eni jiubegu O Assyrie, jiuvegu mulendu ombu kaga Jareb. Efraim ogaangu na yisonyi na baIsrael wandi bolaba yisonyi na kanu tsiogu.

Osee 13:14

Menu Fumu nyubagobula o mbura jiabafu, nyubawaka kalala o dufu. Aa dufu, bivunga biagu bika? Mbura jiabafu dubungu duagu duka? Ngotsimisa misu nobawaka kalala!

Osee 13:6

Mbana gumadila biguji biagu na gumagukuru. Gunogukuru, gumabasa na nsangu; la dibandu gumandibinina.

Osee 4:10

Bojanganga ne nana bagogukuru, bovaganga bumbembu ne nana bagofunanga. Nyiina, bamabusa menu aguvu Fumu uvaganga buvuyisa.

Osee 5:1

Bavagulitsi bapagu guluanu diambu diedidi; Jenu barumitsi baIsrael banu limba! Jenu bisi ndagu kaga liganu matuji! Bunsonsi utabulu buidutabululu. Dumaba nderi murambu o Mispa nesi mbusa ajimabuagu o Tabor,

Osee 6:9

Bavagulitsi bapagu bevuningi batu mu nsila jiSichem nderi jogu abeleyi uyenavaganga bukongu. Bevayingi yika mabi na mabi.

Osee 9:11

Bundumba bubaEfraim bumatsiemuga, vagomueba mburu, baana bagomueburu.

Habacuc 2:16

Gumatopulu yisonyi tsiri digoba; nu, ndeʼ beni nokelasa penyi. Kopa jikabu jiFumu ajivu va dikaka dimabaala mandi, ndeʼ beni gujinu na yisonyi yiutsiemusa bundumba buagu.

Malachie 2:9

Nyurombisa baIsrael uduvongula nodulensa mu mbari dusamakelisa malongi mami na duna dupasu ava duivindiyili migaga.

Migaga Mimatubula 32:15

Jenu baIsrael dumavonga na dumatopulu uji; dumavonga tindi uvonga, dumarandana te na dumaputa! Va julu vana dumaliyila Nsambi agumadusunda nsima; dumalensa dimanyi didugobutsu duenu.

Philippiens 3:19

Uwenda bewendi o bulungi bumuji; nsambi tsiogu la nsala tsiogu tsibi, beyitsi amagaa mawelimina uyitsu nabetasi yika matasa mabutamba buebubu.

1 Samuel 2:30

Gulu adi menu Fumu Nsambi Israel nyivosi rie: Nyimavangana yiri jenu na bisi ndagu agu nesi bisi yifumba yiagu dubanganga bavagulitsi bapagu va gusu ami mutubu. Tumba namunyi nyivosi rie: Viaga! Nyuyitsa abekitsi tumba nyulensa abendensi.