Osee 4:6 - La Sainte Bible en Langue Yipunu

⁶ Batu bami bamabungu mu mbari bagenjabi. Ndeʼ gumabusa unjaba kabogu nyugubusa na gupatulu buvagulitsi bupagu. Ndeʼ gumalibana migaga miNsambi agu, meʼ wami nyulibana baana bagu.

Osee 4:6 Iomraidhean Croise

2 Misamu 15:3

Yitsingu yineni baIsrael bamayitsanga bansambi bangana na basamaba na bavagulitsi bapagu ubalonsa na basamakipa migaga.

Job 36:12

Pa bagegulu, boboku na dijenga bofu bipingu.

Nyimbu 119:139

Murima ami uifutsingi mu mbari nyilabi bavinitsi bami belibini mambu magu.

Nyimbu 119:153

Gengila maguga mami nokwaka kalalaʼ Mu mbari ngelibini migaga miagu.

Nyimbu 119:61

Mirambu mibatu babi minsieengili yiari na yiari; ne nana ngelibini migaga miagu.

Nyimbu 18:27

Guikelasa ulioma ombu aguvu ulioma. Ombu mutu mubi guimulasi ubiva andi.

Banongu 10:21

Posulu tsimutu usungama tsisungiyi batu bapuela tumba biduka befuangingi mu mbari begambu na diela.

Banongu 19:2

Digaa diwelimina ugambu na diela, jandi oyiwendi mawewenda esundili uvaga masumu.

Esaie 1:3

Ngombi ejabi fumu andi na buru ejabi mbura aji fumu emulisilingi. Tumba baIsrael bagerondi ujaba diambu; batu bami bagegulu diambu.

Esaie 17:10

Israel, gumalibana Nsambi agumagugobula. Gusamarangimina dimanyi adimaba yisuemunu yiagu. La dibandu gumakeveyila uvarisa manungi yingitsi.

Esaie 27:11

Pa bitayi bimagumuga bibonduyi; bagetu beruyi uyibinyensa. Batu beni bagejabi diambu. La dibandu agumabavaga agebalasi yingeba, agumabasunda agebavayili maboti.

Esaie 28:7

Malamu mepepilisini, malamu mamangolu mabatsiengisi misu; bavagulitsi bapagu na babiyitsi bepepilini na malamu mamangolu, berumu na malamu, betsiengili misu na malamu mamangolu bepepilini ava bebiyili na bevinsi kingu ava betabulili bunsonsi.

Esaie 29:12

Vo nderi dibuku adi bewakisi ombu mutu agugejabi uranga na bemurumi rie: Ranga mambu memama! Jandi ewaki rie: Ngejabi uranga.

Esaie 3:12

Fumu amavosa rie: Batu bami botsogusu na baana, bagetu bobaruma; batubami, abeduwendisi bedupembusi na bedubeyi mu mansila amagaa mawelimina.

Esaie 45:20

Gukamanu na ruganu, bambananu va mosi, gukiganu bansialutsu bamalongu! Jogu abavu na bakosi bamiri bagaa na dujabu na besambili nsambi ajigorungula ubawaka kalala.

Esaie 5:13

La dibandu Fumu evosili rie: Batu bami basundila ubegu baviga; mu mbari basamagulu amami. B, atu bogu baneni bofu na nsala, bindombu biogu bofu na puila.

Jeremie 2:8

Bavagulitsi bapagu basamawivula rie: Fumu aka? Milonsi mimigaga basamanjaba, barumitsi basamakipa mambu mami, babiyitsi bamabiyila mbigulu tsiBaal na bamakevegaombu bansambi abagorungula ubawaka kalala.

Jeremie 4:22

Dingensa batu bami bavu biduka, na bagenjabi. Bavu baana abagaa na diela nesi dujabu; bamaguku uyenavaganga mabi tumba bagejabi uvaganga maboti.

Jeremie 5:21

Guluanu adidi! Jenu biduka na adugaa na dujabu. Jenu aduvu na misu tumba dugelabi, jenu aduvu na matuji tumba dugegulu.

Ezekiel 44:23

Balonsi batu bami ukelula ayivu yilioma na ayivu nsoruru; babalonsi duviakusunu va gari ayivu muinsi na ayivu yilioma.

Osee 13:6

Mbana gumadila biguji biagu na gumagukuru. Gunogukuru, gumabasa na nsangu; la dibandu gumandibinina.

Osee 2:13

Nyutsiemusa nsangu andi jiotsu nesi bafeta bandi: bisusungi na bilumbu biandi biuvuma.

Osee 4:1

BaIsrael guluanu mambu maFumu! Fumu ana musosi na bisi bulongu; ngensa jigatsi, yingeba yigatsi na bulongu buotsu bugejabi menu Nsambi.

Osee 4:12

Batu bami besambili bakosi bamuiri, dupangu duogu duibabiyili; nsala bumbembu jibapembusi nsila. Bevayingi bumbembu te na bamakakana na Nsambi ogu.

Osee 4:14

Ngokilisa baana benu babagetu mu mbari bavu bimbembu nesi baboji benu mu mbari bavu bimbembu. Nyudukilisa mu mbari duipembusi baana babagetu nsila, uyevagula pagu va mosi na bimbembu bimandagu mabansambi. Nongu jivosi rie: Biduka bibatu uwenda bewendi o dubungu.

Osee 5:4

Bifu biogu bigebasingisi ugabuga ombu Nsambi ogu. Nsala jibumbembu jivu nogu na bagejabi Fumu.

Osee 6:6

Nyirondi yiri dutondanga tsiri yika upagulilanga pagu tsienu; nyirondi yiri batu bami bonjabanga tsiri yika upagulilanga pagu tsiunyensa.

Osee 7:11

Efraim avu nderi yifufu yidibembi adivu na buduka, erombi duwamusu duEgypte na ewendi ombu bisi Assyrie.

Osee 7:9

Benyi bamamana mangolu mandi, agedijabi! Diuleba amanuna, agedijabi!

Osee 8:1

Siga mumbanda! Balubusi: purulu uruga jiniyi nderi mbira ajrugaanga bulongu buFumu. Fumu evosi rie: BaIsrael bamabunsa pangini ami na bamasumuna migaga miami.

Osee 8:12

Diuleba nyimamusonina maruma motsu mamigaga miami amamagengila nderi mambu mangana.

Osee 8:14

Israel amalibana agumamusunda, na amarungisa mandagu mabukaga. Juda amafunisa misiengi mikandu. Tumba meʼ nyutinda muji usielasana misiengi miogu nesi mandagu mabukaga.

Osee 9:17

Nsambi ami obabusa mu mbari basamamugululu, boba bilayilayi o malongu motsu.

Matthieu 1:6

Jesse akabura kaga David. Kaga David na mugatsi Urie bakabura Salomon;

Matthieu 15:14

Badundianu! Baji bidunga abiwendisi bidunga; pa yidunga ewendisi yidunga, jogu botsu babeji bagobonduga mu yiduna?

Matthieu 15:8

Nsambi amavosa rie: Batu bebaba bekitsi yika na miunu tumba mirima miogu mivu vala nami.

1 Samuel 2:12

Baana bababaala baHeli bamaba batu babi na basamajabanga Fumu.