Osee 4:13 - La Sainte Bible en Langue Yipunu

¹³ Bevaguli pagu va julu tsimikongu na benyensi bima bimbunga jiboti va julu tsibikundubuga. Bavu o tsi misena nesi mipali na miterabeta amivu na yivosi yiboti. La dibandu baana bogu babagetu bevayingi bumbembu nesi baboji bogu bavu bimbembu.

Osee 4:13 Iomraidhean Croise

2 Bakaga 17:7

BaIsrael bamalaba maguga meni mu mbari basamalasa Fumu Nsambi ogu ubueji agumabapalisa o bulongu buEgypte o tsi durumu duPharaon kaga jiEgypte.

2 Bakaga 23:7

Josias amapansa mandagu mabimbembu amamabambana na Ndagu Nsambi agu bagetu bamabuangilanga mandagu mamatsanda maAchera.

Esaie 1:29

Ka muna yisonyi yi dulaba jenu aduiyitsingi miri! Ka muna yisonyi yi dulaba jenu aduikevega uvarisa manungi mayingitsi!

Esaie 57:5

Dumavaga kulini o yiari yimiri mineni nesi o tsi miri miotsu, dumavagula baana pagu va migula mimijamba o gari tsimalima.

Esaie 57:7

Gumagomina tangi agu o tindi julu tsimikongu na aguna guimati uyevagula pagu tsiagu.

Jeremie 2:20

Kala kala gumabongulu yilala yiagu na gumasurula mikudu miagu na gumavosa rie: Nyirondi ujegusu! Diwendi rie: va julu tsibikundubuga nesi o tsi miri gumakevega uvaganga bumbembu.

Jeremie 3:13

Rangimina yika dibi diagu, rangimina yiri gumaba mumbini va gusu Fumu Nsambi agu. Gumayenalinganga yiari na yiari ombu bansambi bangana nesi o tsi miri na gusamagulu diufi diami.

Jeremie 3:6

Va temu kaga Josias Fumu amakwivula rie: Gumalaba adi mumbini Israel amavaga? Amavaga bumbembu o julu tsimikongu misakama nesi o tsi muiri yika la muiri.

Jeremie 44:8

Dibandu yi duinyoyisi na bisalu bienu ava duivagulili bima bimbunga jiboti ombu bansambi bangana babulongu buEgypte abu dumayisuemina. Je duirondi ubokusu nolasu mulogu nesi ulasu yisonyi va gari bisi malongu motsu?

Ezekiel 16:16

Gumabonga biduaru biagu na gumakevayila mbura tsiduyitsu atsi gumavakiga matsanda mamunongu na munongu na gumakevuyisa muna — vasakalabana diambu dimunongu eni na digomuelabana via.

Ezekiel 16:25

Va disogumunu dikadi nsila gumarungisa mbura tsiagu tsiduyitsu; gumabivisa kembu agu; gumafubana yitsiga na uotsu ka mutu; gumafunisa bumbembu buagu.

Ezekiel 6:13

Mbana dujaba yiri menu nyivu Fumu ava bamfumbi bogu bobila va gari bakosi bogu nesi utsiengila binyensulu biogu bipagu nesi o julu tsibikundubuga nesi o julu tsimikongu nesi mu tsi tsimiri mimunongu na munongu o mbura atsi bamavagulila pagu ombu bakosi bogu botsu.

Osee 10:8

Mbura tsiduyitsu atsi baIsrael bamavayilanga masumu tsimabungu; matsiendi na kengitsi biubenda va binyensulu biogu bipagu. Botsingula mikongu rie: Tukubiyianu! Tuvikianu!

Osee 11:2

Tumba nyinomunengilanga amakakananga nami; amavagulilanga Baal pagu na amavagulila bakosi bima bimbunga jiboti.

Osee 2:13

Nyutsiemusa nsangu andi jiotsu nesi bafeta bandi: bisusungi na bilumbu biandi biuvuma.

Amos 7:17

Fumu evosi rie: Mugatsi agu oyenavaganga bumbembu o musiengi na baana bagu bababaala na babagetu boboku; nungi agu jiugabu na yietsu. Ndeʼ gufuila o bulongu bugana na baIsrael bobegu bakoli vala na bulongu buagu.