Osee 4:11 - La Sainte Bible en Langue Yipunu

¹¹ Bumbembu na malamu magala na malamu madisoga bibatsiemusi diela.

Osee 4:11 Iomraidhean Croise

Banongu 20:1

Malamu merombisi mutu uba mungo dunangu, malamu mamangolu merombisi mutu uba mungo dikasi, mutu uotsu oyimaviosulili agaa na diela.

Banongu 31:4

Tsiyisa diambu diedidi: bakaga bayamanganga malamu mamangolu.

Banongu 6:32

Tumba jandi oyivayi bumbembu na mugetu avu yiduka; jandi oyivayi nana, erondi uketsiemusa.

Mambu Mamungo Diela 7:7

Purulu tsiveyi yiduka diela na milendu mibivisi murima.

Esaie 28:7

Malamu mepepilisini, malamu mamangolu mabatsiengisi misu; bavagulitsi bapagu na babiyitsi bepepilini na malamu mamangolu, berumu na malamu, betsiengili misu na malamu mamangolu bepepilini ava bebiyili na bevinsi kingu ava betabulili bunsonsi.

Esaie 5:12

Sambi na ngomfi na ndungu na dimbika na malamu biubuejisi milambu miogu tumba bagekipi yisalu yiFumu na bagelabi abi amasala na makaka mandi.

Jeremie 23:13

Nyimalaba buduka bubabiyitsi baSamarie bamabiga na mangolu maBaal, bamatsiemusa batu bami baIsrael.

Osee 4:12

Batu bami besambili bakosi bamuiri, dupangu duogu duibabiyili; nsala bumbembu jibapembusi nsila. Bevayingi bumbembu te na bamakakana na Nsambi ogu.

Osee 5:4

Bifu biogu bigebasingisi ugabuga ombu Nsambi ogu. Nsala jibumbembu jivu nogu na bagejabi Fumu.

Osee 7:11

Efraim avu nderi yifufu yidibembi adivu na buduka, erombi duwamusu duEgypte na ewendi ombu bisi Assyrie.

Bisalu Bilevi 10:9

Ava dukotila o Ndagu Yibenguna duyanuanganga malamu maminongu na minongu, jenu na baana bagu bababaala mu mbari dukeefu: uba mugaga umutubu ubategula bagu,

Luke 21:34

Lubuganu! Duyatsoga na milambu na malangi na mambu mabulongu buebubu vo yilumbu yieni yiudukambisa.

1 Samuel 25:36

Ava Abigail amagabuyila ombu Nabal amamurasuna umenga emengi o ndagu andi tindi mumengu ukaga. Nabal amaba na tindi nsangu nesi dilangi kabogu Abigail asamamutsingula misamu te na kedi.