Osee 2:9 - La Sainte Bible en Langue Yipunu

⁹ Odukanga maronda mandi tumba agomarasuna; omaromba tumba agomalaba via! Mbana ovosa rie: Nyuwenda na nyuyenagatxiga ombu mulumi ami agutega, mu mbari va temu eni nyimalabanga nsangu uviolila temu ejiji.

Osee 2:9 Iomraidhean Croise

Ezekiel 16:27

Kabogu nyimagulasa mangolu mami na nyimageyisa dikabu adi nyimagusolila na nyimaguwakisa ombu bavinitsi bagu abavu baana babagetu babaPhilistin abamalaba yisonyi yibifu biagu bibi.

Ezekiel 16:39

Nyuguwakisa ombu maronda magu. Borakula mandagu magu mabumbembu nesi upansa mbura tsiagu tsiduyitsu; boguvula biduaru biagu na bobunga kembu tsiagu na bogusila tindi penyi.

Ezekiel 23:26

Jogu boguvula biduaru na bogupatula kembu atsi guiduari.

Daniel 11:13

Mu mbari kaga jibanda omueruga na ogukiga bagora bapuela uviolila temu jitega; mu mua temu nesi mua bilima omuegabuga na bagora bapuela na busina bupuela.

Osee 2:3

Nengilanu baanat bataji benu bababaala na babagetu rie: Batu bami nesi abadurondu!

Osee 8:7

BaIsrael jenu dumavar a punga, kabogu dutsonsiga mungudi. Nongu jivosi rie: Ble tsibipuvi, fufu jigatsi, pa tsiuvega, benyi botsiji.

Osee 9:2

Yisagulu na yigamunu bigogubungula, malamu mamienga magoba na tsongu.

Joel 2:14

Anyi ejabi, tanguji ogabusa murima andi nsima nodugabila miula. Mbana durungula umuvega milendu nesi pagu tsisusu.

Sophonie 1:13

Kabogu bima biogu biukindu na mandagu mopansu; bamarungisa mandagu ama bagotsanina; bamavarisa mfuga tsirayisan na bagonu malamu matsionyi.

Malachie 1:4

Pa bisi Edom bovosa rie: Jetu tumabungu tumba tumuereliga bivongu abimapansu! Fumu Mabadi owagula rie: Barungingi, nyumuebapansa na bonengulungu rie: Dilongu dibi! Batu aba Fumu amanyoyila mutubu!

Malachie 3:18

Vana vana dumuelaba duviakusunu va gari mutu usungama na mutu mubi; va gari jandi oyisalili Nsambi na agugemusalili.