Osee 2:21 - La Sainte Bible en Langue Yipunu

²¹ Israel, nyuba mulumi agu mutubu, nyuba mulumi agu aguvu na dusungugu na aguvu mawelimina na maboti na durondu.

Osee 2:21 Iomraidhean Croise

Esaie 55:10

Mfula na mfula jivema bisunduyili o julu na bigemuegabuga guna te na biletsatsa butamba yiri buba na digumba nobendisa bivaru bimuvaritsi novega tsangu ombu mukukitsi nesi biguji ombu jandi oyijangingi.

Esaie 62:4

Bagomuegunengilanga rie: Musiengi ulibunu. Bagomuenengilanga dilongu diagu rie: Butamba budukanga. Tumba bogunengilanga rie: Nsangu jiFumu, na bonengilanga butamba buagu rie: Mugatsi. Mu mbari Fumu elabi nsangu nagu, na butamba bukota o diwela.

Esaie 62:5

Nana mufudu efubinini na tsiemi anana jandi agumuegurungulila obila mulumi agu; nana mugatsi elasili mulumi andi nsangu anana ndeʼ gulasila Nsambi agu nsangu.

Esaie 65:24

Nyuwagula ne abasakandengila; nyugulu nesi abasakamana uvosa.

Ezekiel 36:29

Nyudutsindulila muinsi uotsu. Nyuneyisa ble notsifunisa yiri dugolaba dungosu dunsala.

Osee 14:7

Owansanga nderi muoliva na obanganga na mbunga jiboti nderi jimisiru miLiban.

Joel 2:19

Fumu amawagula tsambu tsibatu bandi rie: Nyudutindila ble na malamu madisoga na matsi! Dugogambu na yima! Tsatsabi ngosinga yiri dudesu na bisi malongu masusu.

Zacharie 13:9

Nyukotisa dikabu dieni o muji udiliomisa nana beliomisili lora jivema, nyudipitsa nana bepitsili lora jivema, nyudipitsa nana bepitsili lora. Mbana diundengila na nyudiwagula; nyuvosa rie: Abana bavu batu bami! Jogu bovosa rie: Fumu avu Nsambi etu.

Zacharie 8:12

Mu mbari tsangu tsiufunanga, mfuga jirayisan jiuburanga, butamba bubendisa bivaru, julu jiunoyisa mfula. Nyulasa maboti meni motsu ombu bansialutsu babatu bami.

Zacharie 8:8

Nyubagabusa na botsananga o Jerusalem; jogu boba batu bami; menu nyuba Nsambi ogu. Nyubarumanga na ngensa na dusungugu.

Malachie 3:10

Beganu yimosi yiotsu mu digumi o Ndagu ami yiri yisuegulu yiami yigogambu na biguji. Fumu Mabadi amavosa rie: Kweliyianu? Pa duivayingi nana nyudugabila miula amiruyili o julu yiri dudila tindi digumba.

Malachie 3:11

Nyugubitsa bibungi na bagobunga digumba dienu na va julu vana manungi menu magobenga, adina nyivangini nenu.

Matthieu 6:33

Leveganu mirima mienu ombu Fumu na jabanu dusungugu duandi mbana Nsambi oduvega motsu mana.

Romains 8:32

Asamawi-mina Muana andi tumba amamuvagula pagu mu diambu dijetu botsu! Amatuvega Muana andi; agotuvega motsu masusu?