Osee 14:3 - La Sainte Bible en Langue Yipunu

³ Mulembiyilianu ndembu tsienu na gabuganu ombu Fumu. Mutsingulianu rie: Tanda mabi metu motsu; singa duyitsu duetu, tugeguvagulili balumi babangombi, tumba tuiguvagulili duyitsu duetu aduvu nderi pagu.

Osee 14:3 Iomraidhean Croise

2 Misamu 16:7

Avana temu eni Hanani mubiyitsi amarasuna Asa kaga jiJuda na amamutsingula rie: Mu mbari gumaronda uwamusu na kaga jiSyrie, Fumu Nsambi agu asamaguwamusa kabogu bagora baSyrie bamagurina.

Nyimbu 10:14

Tumba guilabi maguga mabijaga, guibawamusingi. Yifufu ekeveyi ombu gagu ndeʼ aguiwamusi bisiana.

Nyimbu 146:3

Duyakevega ombu baneni bavu yika batu bagorungula udugobula.

Nyimbu 146:9

Fumu ebambi benyi, ewarisi yisiana na mukuili, ekambisi batu babi na kanu tsiogu.

Nyimbu 33:17

Bakabala badivita bagaa na tsongu ulungisa, mangolu mogu maneni magobawaka kalala.

Nyimbu 68:5

Wimbilanu Nsambi na yitsanu diina diandi, mukunsilianu nsila, jandi oyiruyi va dikalu diandi diina diandi divu Fumu. Sangilanu va misu mandi.

Esaie 1:29

Ka muna yisonyi yi dulaba jenu aduiyitsingi miri! Ka muna yisonyi yi dulaba jenu aduikevega uvarisa manungi mayingitsi!

Esaie 2:20

Muna yilumbu yieni babaala bobuayila banguga na bangembu bakosi bogu balora jivema nesi batindi lora aba bamasambilanga.

Esaie 27:9

Anana mbela jibaIsrael jiugusululu, aduna duba dutandulu dumabi mogu; Fumu uvaga evayi mamanyi motsu mayinyensulu yipagu nderi mabungili mapembi amorungulu unyigu; bakosi baAstarte na bitumba biwisi bigomueba.

Esaie 30:16

Jenu dumavosa rie: Nesi! Turina mu bakabala! La dibandu dumarinina. Tumata mu bakabala abewendi tindi mamabangu! La dibandu jogu aboduduka bowendila tindi mambangu.

Esaie 30:2

Duiwendi o Egypte tsiri ukwivula musuga, duirondi usuema ombu Pharaon nesi o yivosi yiEgypte!

Esaie 31:1

Ka muna maguga ma ombu jogu abewendi o Egypte uyevonda duwamusu, abevayili bakabala yitu nesi makalu mapuela mapuela, nesi babeyitsi babakabala bamangolu abagekipi Nsambi Israel na abageduki Fumu!

Esaie 31:3

Bisi Egypte bavu batu tsiri bansambi; bakabala bogu bavu bakabala tsiri binyunyi. Ava Fumu osambila gogu andi muwamusitsi oduku dibaku, agumawamusu oberuga; botsu babeji bofu va mosi.

Esaie 36:8

Leguluati! Singa adi fumu ami kaga jiAssyrie egutsinguli. Nyuguvega tosini beji tsibakabala pa gurungula udila babeyitsi batsionyi.

Jeremie 49:11

Sila bisiana biagu, nyubabungula, bakuili bagu bakevega ombu gami!

Ezekiel 36:25

Nyuduwitila mamba malioma na duliomusu; nyuduliomisa muinsi enu uotsu nesi ubakosi benu botsu.

Ezekiel 37:23

Dugomuekebivisa na bakosi nesi nsoruru nesi nsimbulu; nyudugusula o mbura tsiotsu atsi dumatsaninanga atsi dumavayilanga masumu mbana nyuduliomisa; jenu duba batu bami na menu nyuba Nsambi enu.

Osee 12:1

Efraim emfuringi na baIsrael bendunsingi; Juda avu uNsambi na avu usigama uNsambi.

Osee 13:2

Mbana batu bandi bemuevayingi masumu, besulumusi lora tsiogu tsivema uvaga bitumba na bamavaga bakosi na buketi buogu. Bevosi rie: Vengu tumuvagulila pagu! Befifi baana babangombi! Ka muna mbela ji!

Osee 14:8

Abami boyitsana o yisuemunu yiami bovaranga ble bobanganga na digumba adivu dedi na digumba dimalamu maLiban.

Osee 2:17

Avana nyumugabusila nungi tsiandi tsirayisan na yibususu yimaguga yiukaluga diguyi diditasa di andi. Omuebanda uwimbila nana amawimbililanga va bungebi buandi nesi nana va yilumbu ayi amapalila o bulongu buEgypte.

Osee 4:12

Batu bami besambili bakosi bamuiri, dupangu duogu duibabiyili; nsala bumbembu jibapembusi nsila. Bevayingi bumbembu te na bamakakana na Nsambi ogu.

Osee 5:13

Efraim elabi dibi diandi, Juda elabi mapura mandi; Efraim amawenda o Assyrie na amavosa na kaga Jareb. Tumba kaga eni agorungula udubelusa nesi ubuga mapura menu.

Osee 7:11

Efraim avu nderi yifufu yidibembi adivu na buduka, erombi duwamusu duEgypte na ewendi ombu bisi Assyrie.

Osee 8:6

Muana ngombi enu ulora uvu yisalu yibaIsrael Musalitsi amagusala, ugaa yisalu yiNsambi. La dibandu muana ngombi ulora uSamarie ubululu.

Osee 8:9

Bamawenda o Assyrie bavu nderi buru jimusiru uyenalinganga tumba baEfraim bamafuta maronda.

Jonas 2:10

Menu, nyuwimbila kabusulu tsimaboti, nyiguvagulila pagu. Nyudugusu bapangini aba nyimavangana. Nyiina, ndeʼ Fumu guikobub!

Zacharie 13:2

Muna yilumbu yieni menu Fumu Mabadi nyivosi rie: Nyutsiemusa bakosi o bulongu yiri bagomuerangumunu. Nyugusula abekenengila babiyitsi wandi nesi binyunyi bibi.

Jean 14:18

Ngodusila pinsa, nyuruga ombu genu.

Migaga Mimatubula 17:16

Ayakelisa bakabala bapuela na ayagabusa batu o Egypte uyesumba bakabala bapuela; mu mbari Fumu amadutsingula rie: Duyagabuyila muna nsila eni.