Osee 13:14 - La Sainte Bible en Langue Yipunu

¹⁴ Menu Fumu nyubagobula o mbura jiabafu, nyubawaka kalala o dufu. Aa dufu, bivunga biagu bika? Mbura jiabafu dubungu duagu duka? Ngotsimisa misu nobawaka kalala!

Osee 13:14 Iomraidhean Croise

Job 33:24

Yiansa omulasa yingeba na ovosa na Nsambi rie: Muwaki kalala ayakota o yiduna, nyimadila nyobu andi!

Job 41:22

Tulu andi jivu nderi bitengi bimbuta; pondu andi nderi mutu agumayenafutsanga na tsiengu.

Nyimbu 16:10

Gugonsingisa uwenda o mbura jiabafu gugogaru yiri mutu agu aboli.

Nyimbu 30:3

Fumu avu Nsambi ami! Nyimagutatila na gumambelusa.

Nyimbu 49:15

Besindugu o dufu nderi mugamba ubiruitsi; dufu la mubungulitsi ogu. Ava wisi etebuyili batu basungama bebatsiarili; kembu tsiogu tsitsiemuyili o ngila! Avana boba mutubu!

Nyimbu 49:16

Tumba Nsambi okobula o mbura jiabafu ombega o yisuemunu. Letasatianu

Nyimbu 71:20

Gumatusingisa ulaba munyongu na purulu; ne nana gumuetugabusa mangolu yiri tugoba mutubu o ngila.

Nyimbu 86:13

Ndeʼ guimfunisilingi maboti magu, gumakwaka kalala o mbura jiabafu.

Esaie 25:8

Obunga dufu mutubu. Fumu Nsambi otsindula matsanga mu binsi biotsu, ogusula yisonyi yibatu bandi mu bulongu buotsu. Fumu agumadivosa odiwarisa.

Esaie 26:19

Batu bami, abenu abamafu bomueba na monyu, bamfumbi bami barambuyi, jenu bisi difufundu, rambuganu na labanu ubueji! Fumu ogunoyisila disala adivu nderi dinogu dikedi, butamba bugabusa bamfumbi.

Jeremie 15:6

Fumu amavosa rie: Gumambusa na gumandiyila nsima. Nyusamba dikaka ugubunga, nyimatopulu ugabusa murima nsima.

Jeremie 20:16

Dibaala dieni abi nderi misiengi ami Fumu amabunga tsiri umilasa yingeba! Kedi agulu bibimu va muangulu agulu migamu midivita.

Jeremie 31:35

Anyi amavaga wisi umonitsa va nyangu? Anyi amavaga tsungi na bambuelili umonitsa mukolu? Anyi ematisi mubu nesi ugiimbisa mibiji? Avu Fumu Mabadi adina divu diina diandi. La jandi oyivosi rie:

Ezekiel 37:9

Fumu amatuma rie: Muana mutu mbiyila na tsingula punga rie: Fumu aguvu Fumu jandi rie: Punga ruyila o biari biotsu bibina; gumba bamfumbi bebaba yiri bodila monyu!

Osee 6:2

Otugabusa monyu, mu bilumbu bibeji vo birieru otureliga na tutsananga va gusu andi.

Osee 7:10

Dunangu duIsrael duimusingisili bumbeji, agegabuyi ombu Fumu Nsambi andi, diuleba elabi motsu mana agemurombi.

Malachie 3:6

Menu Fumu ngekaluyi. Jenu dubanganga bategula baJacob mutubu.

Dutalu 23:19

Nsambi agaa mutu agurungula ufura, agaa muana mutu agurungula, ukalula diela. Adi amavosa agodivaga? Adi amatubula agodidugusu?

Romains 11:15

Ava bamabusulu, bisi bulongu bamanonga na Nsambi. Kabogu tsie diubila ava bomuesi-ngulu? Boba nderi bamfumbi abamamuedila monyu!

Romains 11:29

Nsambi agevinsi kingu: abamasolu bamasolu, abama-gabulu miula, bamagabulu.

2 Corinthiens 5:4

Ava tukivu na nyuru tsietsitsi tuibimingi tsiri mu mbari tuirondi ufu nobuaga nyuru tsietsitsi tumba mu mbari tuna nsala jineni udila nyuru tsijulu yiri atsifu tsiukaluga atsigefu.

Philippiens 3:21

Jandi aguvu na mangolu ututsa motsu, okalula nyuru tsietu notsibagusunu na dunyuru duandi dubundumba.

1 Thessaloniciens 4:14

Mu mbari pa tuna yitu yiri Jesus amafu na amarambuga o dufu, tuvayianu yitu wandi yiri Nsambi ogabusa Jesus na abamafu na yitu ava bamafuila.

Jacques 1:17

maboti motsu na pegulu tsiotsu tsiwelimina tsiruyili o julu ombu Taji agumasunda bijalala bijulu. Agekaluyi na agaa na yilinsima.

Dulasu 20:13

Mubu umapalisa abamafu muna. Dufu na mbura jiabafu bimapalisa abamafu abamaba muna. Mutu mutu amatabululu bunsonsi dedi na mambu mandi.

Dulasu 21:4

Jandi obatsindulila matsanga motsu. Vagomueba ne dufu ne bukuili ne matsanga ne buali. Motsu magulu motsiemuga.

Dulasu 6:8

Nyimagengila na vamapala kabala jikuduga. Diina dimutu omajinangama la Dufu na dimutu agumamuduka la Mbura Jiabafu. Butamba bumapasu biasi bina. Jogu bamadila musuga te na yiasi yimosi. Diwendi rie: bamaba na musuga uboka na dijenga nesi na dungosu dunsala nesi na maali nesi na bibulu bibukanyi.

1 Samuel 15:29

Jandi Aguvu Mangolu MaIsrael agefuri na agevinsi kingu nana mutu evinsili kingu.