Osee 13:13 - La Sainte Bible en Langue Yipunu

¹³ misongu mijandi oyiburi miumugaanga; obura muana agugaa na diela aguibusi upala.

Osee 13:13 Iomraidhean Croise

2 Bakaga 19:3

Bamamutsingula rie: Ezekias jandi rie: Yilumbu yieyiyi yivu yidiguga na yimukilu na yiyisonyi; baana baka o mbura tumba mangolu ubura masatsi.

Nyimbu 48:6

Yiotsu ayi bamalabila Fumu bamakambulu, bamagaangu na goma mbana bamarina;

Banongu 22:3

Dibaala dilubuga elabi mabi na esuemi tumba biduka bevioyi kuasa na bekilusu.

Esaie 13:8

Bamalaba goma na bamagaangu na buali nesi keri. Ubuka bebuki nderi mugetu aguvu na misongu. Bamagengasana ava bamagaangulu na goma, yika yisonyi belabi.

Esaie 21:3

Nyuru tsiami tsibangingi buali; misongu mikaangi nderi mugetu aguiburi. Nyimakambulu na adi nyigulu na nyireyimi mu adi nyilabi.

Esaie 26:17

Aa Fumu nana mugetu aguvu na dimi avu bebeli nobura ekenyungasana na egamuyi ava egululu misongu, anana tumaba ava tumabila vala nagu!

Esaie 37:3

Bamamutsingula rie: Ezekias jandi rie: Yilumbu yieyiyi yivu yidiguga na yimukilu na yiyisonyi; baana baka o mburu tumba mangolu ubura masatsi.

Esaie 66:9

Fumu ewivuli rie: Nyuvega dimi nokondisa ubura? Nsambi ewivuli rie: Menu aguiburisi nyugubitsa duburu?

Jeremie 13:21

Yi guvosa ava bogukilisila? Ndeʼ beni gumabalonsa uba bafumu. Buali bugogugaanga dedi mosi nana mugetu aguiburi egaangulu na misongu?

Jeremie 22:23

Ndeʼ aguitsanini o Liban, agumarunga diuva diagu o misedera, ka muna munyongu gu gunyonga ava gulabila maguga, maguga amebagunu na misongu mimugetu ava eburili!

Jeremie 30:6

Wivulanu na labanu yeri dibaala eburi! Dibandu yi nyilabili babaala botsu na miogu mu mangundu dedi mosi na mugetu aguvu na misongu? Dibandu yi binsi biotsu bimakuduyila?

Jeremie 4:31

Nyimagulu migamu nderi mimugetu aguibuki na misongu, migamu mimaguga miduburu dutega. Mivu migamu miSion; utsukama etsukimi, usamba esambi makaka nogamuga rie: Ka muna maguga ma nyilabi! Utabuga nyitabuyi nyambu va gusu bikongu!

Jeremie 49:24

Bisi Damas dumadeda yika urina duirini, dunsiensi dumadugaanga. Utsukama duitsukuni na maguga duilabi nderi mugetu agumagaangu na misongu.

Osee 5:4

Bifu biogu bigebasingisi ugabuga ombu Nsambi ogu. Nsala jibumbembu jivu nogu na bagejabi Fumu.

Jean 16:21

Ava mugetu eguluiu misongu elabi maguga mu mbari diweru diandi dimatola tumba pa amabura agemuerangimina maguga meni, yika nsangu elabi mu mbari muana amaburu.

Jean 5:4

Diwendi rie: yiansa yiFumu yimasunduganga uyefundula mamba. Yibedu yitega ayimasunduga o mamba ava mamafunduyilanga yimabeluga.]

Bisalu 24:25

Ava Paul amawarisila malongi madusungugu na mamansala makulini na mamufundu, Felix amalaba goma na amavosa rie: Wendanga. Pa nyumuedila diweru nyugunengila.

2 Corinthiens 6:2

Guluanu adi Nsambi amavosa mu Bisonu rie: Nyimagugulu mu temu jiwelimina. Nyimaguwamusa mu yilumbu ayi nyimagugobulila. Guluanu! Diweru dimatola ulaba maboti maNsambi. Namunyi la yilumbu ayivu yiwelimina ugobulu.

Migaga Mimatubula 32:6

Je anana duigabusilili Fumu diboti, jenu biduka na abagaa na diela? Agaa taji enu? Agaa musunditsi enu? Tsiri jandi agumadusunda na agumaduvega mangolu?

1 Thessaloniciens 5:3

Ava batu bovosila rie: Tuji mu duvotsu na tuikelusu buranga mbana dubungu dubasutusu. Bagomueba na temu urina; motsu moba nderi mugetu agumasutusu na misongu.