Osee 11:2 - La Sainte Bible en Langue Yipunu

² Tumba nyinomunengilanga amakakananga nami; amavagulilanga Baal pagu na amavagulila bakosi bima bimbunga jiboti.

Osee 11:2 Iomraidhean Croise

1 Bakaga 12:33

Mbana amawenda o yinyensulu yipagu ayi amarunga o Bethel mu yilumbu yimugumi na biranu bitsungi jimunana, tsungi aji jaʼ beni amanyensa bima bimbunga jiboti va yinyensulu yipagu ayiamarunga.

1 Bakaga 18:19

Tsie gukiyi baIsrael botsu ombu gami o mukongu uCarmel na kama jina na magumaranu mababiyitsi baBaal wandi na kama jina tsibabiyitsi baAstarte abejangingi va mosi na kaga jimugetu.

Nehemie 9:30

Gumabawarila mu bilima bipuela; diuleba Yinyunyi yiagu amaba na babiyitsi na bamalubusu, basamagaru. Kabogu gumabawakisa ombu bisi malongu mangana.

Esaie 65:7

Fumu amavosa rie: Mu diambu dimabi menu na mabi mabataji benu abamanyensa bima bimbunga jiboti va julu tsimikongu, abamansienga va julu tsibikundubuga kabogu nyubakilisa dedi na mabi mogu.

Jeremie 18:15

Tumba batu bami bamandibana bevagulili bansambi bangana bima bimbunga jiboti; bebadukusu mabaku, bebapembusi mansila makala ubagonsa va mugula.

Jeremie 35:13

Fumu Mabadi aguvu Nsambi Israel jandi rie: Wenda yetsingula baJuda na bisi Jerusalem rie: Fumu jandi rie: Dugogulu malubu nodedila mambu mami?

Jeremie 44:5

Tumba dusamagulu na dusamaliga matuji, dusamadunda mbivulu tsienu na dusamadunda uvagula bima bimbunga jiboti ombu bansambi bangana.

Osee 11:7

Batu bami belabi ubueji ukakana nami; diuleba nyimabalembiyila ukengila tumba ne mutu mosi va gari ogu asamanangula misu.

Osee 2:13

Nyutsiemusa nsangu andi jiotsu nesi bafeta bandi: bisusungi na bilumbu biandi biuvuma.

Osee 4:13

Bevaguli pagu va julu tsimikongu na benyensi bima bimbunga jiboti va julu tsibikundubuga. Bavu o tsi misena nesi mipali na miterabeta amivu na yivosi yiboti. La dibandu baana bogu babagetu bevayingi bumbembu nesi baboji bogu bavu bimbembu.

Osee 4:17

BaEfraim bamafubana na bakosi.

Zacharie 1:4

Duyaba nana bataji benu. Babiyitsi batega bamandembiyilila ubusa bisalu biogu bibi nesi bifu biogu bibi! Basamaronda ukulu na basamandedila.

Zacharie 7:11

Tumba bamabusa ugulu, bamandiyila nsima na bamadibiga matuji mogu yiri bakegulu.

Luke 13:34

Jerusalem, Jerusalem! Duiboki babiyitsi na duitindili bilumbi biNsambi mamanyi! Ngorungula udutsingula kumbu kwe mbe nyironda udugukiga nana koku egukiyili baana bandi o tsi mapapi tumba dusamagaru!

Jean 3:19

Mbela agunyi jiruyisini? Diwendi rie: Yijalala yinoruga o bulongu batu bamaronda pisama uviolila yijalala mu mbari bevayingi mabi.

Bisalu 7:51

Jenu mimbini, duna mirima migala na matuji madiba! Temu tsiotsu duigayini na Yinyunyi yiNsambi. Nana bataji benu bamabila nana jenu wenu duvu.

Bansonsi 10:6

BaIsrael bamamuevaga amasamalasa Fumu ubueji: bamasalila baBaal na baAstarte va mosi na bansambi baSyrie na baSidon na baMoab na baAmmon na baPhilistin; bamabusa Fumu na basamamuemusalila.

Bansonsi 2:13

Bamaliyila Fumu nsima na bamayitsa baBaal na baAstarte.

Bansonsi 3:7

BaIsrael bamavaga amasamalasa Fumu ubueji, bamalibana Fumu Nsambi ogu na bamayitsanga baBaal na bakosi.