Osee 10:8 - La Sainte Bible en Langue Yipunu

⁸ Mbura tsiduyitsu atsi baIsrael bamavayilanga masumu tsimabungu; matsiendi na kengitsi biubenda va binyensulu biogu bipagu. Botsingula mikongu rie: Tukubiyianu! Tuvikianu!

Osee 10:8 Iomraidhean Croise

Dibandu 3:8

Dibaala na mugetu banogulu mikindi miFumu Nsambi ava amalingila o nungi tsisiga, bamasuema Fumu Nsambi va gari miri minungi.

1 Bakaga 13:2

Mu diambu diyinyensulu yipagu amagamuga na musuga uFumu rie: Yinyensulu yipagu! Yinyensulu yipagu! Fumu jandi rie: Muana dibaala aguburulu o ndagu David; diina diandi diuba Josias. Va julu ndeʼ yinyensulu yipagu onyensa bavagulitsi bapagu va mbura atsi bamanyensilanga bima bimbunga jiboti. Va julu ndeʼ bonyensa bivisi bibatu wandi!

1 Bakaga 13:34

Disumu dieni dimadugunu mukuta uotsu uJeroboam mu dionyi diina diandi dimatsiemuga tindi utsiemuga.

1 Bakaga 14:16

Oliyila baIsrael nsima mu diambu dimasumu ama Jeroboam amarombisa baIsrael uvaga.

2 Bakaga 23:15

Josias amapansa yinyensulu yipagu ayimaba o Bethel na mbura jiduyitsu aji Jeroboam muana dibaala uNebat jandi agumarombisa baIsrael uvaga masumu; amapansa mbura jiduyitsu na amanyensa kosi te na biotsu bimaba dibufu.

2 Misamu 31:1

Feta jinosuka baIsrael botsu bamayenawenda o misiengi miJuda na bamapansa bitumba na bamabula bakosi na bamarakula tindi urakula mbura tsiduyitsu na binyensulu bipagu bibansambi bangana o Juda jiotsu no biari biBenjamin no biEfraim no biManasse. Mbana baIsrael botsu bamayenagabuga o misiengi miogu.

Esaie 2:19

Bokota o gari tsimalima nesi o tsi butamba urina bukanyi buFumu nosuema bundumba buandi ava omatila usisana butamba.

Esaie 2:21

Bokota o gari tsimalima nesi o tsi mamanyi urina bukanyi buFumu nosuema bundumba buandi ava omatila usisana butamba.

Esaie 32:13

nesi butamba bubatu bami abubendisa yika matsiendi na kengitsi, nesi mandagu amamaleba na nsangu.

Esaie 34:13

Matsiendi mobenda mu mandagu mabakaga, kengitsi na yifundi biubenda mu bivaga bimonyi. Uba yitsanunu yimakoju nesi ba-otarisa.

Osee 10:2

Mirima miogu mivu yiari na yiari; bowarila mukilu. Fumu opansa binyensulu biogu bipagu nesi bitumba biogu.

Osee 10:5

Bisi Samarie boyitsa muana ngombi ulora o Beth-Aven. Batu na bavagulitsi bapagu bandi boduara yifuila. Bogamuganga ava bundumba bu-uonyi butsiemuyila va gari ogu.

Osee 10:9

Ubanda va temu jiGuibea jenu baIsrael dumavaga masumu! Dusamavinsa kingu! Digaa diwelimina yiri divita diugaanga bavayitsi bamabi o Guibea?

Osee 2:6

Ngolasa baana bandi yingeba mu mbari bavu baana babumbembu.

Osee 4:13

Bevaguli pagu va julu tsimikongu na benyensi bima bimbunga jiboti va julu tsibikundubuga. Bavu o tsi misena nesi mipali na miterabeta amivu na yivosi yiboti. La dibandu baana bogu babagetu bevayingi bumbembu nesi baboji bogu bavu bimbembu.

Osee 4:15

Aa Israel, pa gukevega uvaganga bumbembu, Juda ayakota muna! Duyawenda o Guilgal nesi o Beth-Aven na duyaleva rie: Fumu ejabi.

Osee 5:8

Siganu mumbanda o Guibea, siganu mumbanda o Ramal Gamuganu migamu o Beth-Aven! Aa Benjamin, bavinitsi bagu bavu o nsima agu.

Osee 8:5

Jenu bisi Samarie, uviolila ubueji ubusa muana enu ngombi ulora! Nyimadunyoyila tindi kabu. Te na temu yi dubanganga na nsiembu?

Osee 9:6

Uwenda duiwendi o dubungu. Egypte odudila, Memphis odutsiga. Bima bienu bidufunu duneni nesi lora biukubugu na kengitsi na mandagu menu mosiala mududu.

Amos 1:5

Nyupansa makotulu ihamusiengi uDamas, nyubokisa bisi yibususu yibukongu nesi kaga ajirumi o musiengi eni. Bansialutsu baSyrie bobegu bakoli o yiari yiQuir. Fumu oyidivosi.

Amos 3:14

Yilumbu ayi nyukilisa baIsrael na nsimbulu tsiogu nyubivisa binyensulu bipagu biBethel; masiyi mayinyensulu yipagu mobogulu te na mobonduga va tsi.

Amos 7:9

Mbura tsidiiyitsu tsiIsrael tsiupansu; mbura tsiNsambi tsibaIsrael tsiubungu mbana nyutoga na bategula baJeroboam.

Amos 8:14

jogu abamaleva pesi na bansambi bangana baSamarie rie: Aa Dan, nsambi agu abi nsambi! Nsila Bercheba jibi mutubu! Botsu bana boberuga te na bagomuesimbuga.

Michee 1:13

Bisi Lakich, tunganu bakabala mu makalu menu. Dumagukulila bumbini buIsrael na dumarombisa Jerusalem ufubana nenu.

Michee 1:5

Bumbini bubategula baJacob na nsimbulu tsibaIsrael bimabarombisa motsu mana! Dibi yi Jacob amavaga? Tsia Samarie! Anyi amalonsa Juda uyitsa bakosi? Tsia Jerusalem?

Nahoum 3:11

Ninive ndeʼ wagu guba na dilangi dimaguga, gukesuega. Guromba yisuemunu usuema bavinitsi bagu.

Luke 23:30

Temu eni bovosa na mikongu rie: Tuvikianu! Na bovosa na bikundubuga rie: Tusueyianu!

Migaga Mimatubula 9:21

Nyimabonga muana ngombi agu dumavaga disumu dienu, nyimagunyensa o muji na nyimagunyiga te na gumakaluga difufundu na nyimadibuaga o mujamba aguiruyisini o mukongu.

Dulasu 6:16

Bamanengila mikongu na mamanyi rie: Tuvikianu yiri jandi oyitsani va yitsiga yibufumu agotulaba na kabu jiMuana Yindombu jigotubemba.

Dulasu 9:6

Te na tsungi yiranu batu beni boba na nsala ufu tumba bagolefu.