Osee 10:1 - La Sainte Bible en Langue Yipunu

¹ BaIsrael bamaba nderi mfuga ajiburi mirayisan mipuela. Nana milunda mimafunina anana bamafunisila binyensulu bipagu; nana bulongu buogu bumabila na digumba anana bamabuejisila bitumba.

Osee 10:1 Iomraidhean Croise

1 Bakaga 14:23

Jogu wogu bamarungisa mbura tsiduyitsu na bakosi baminongu na minongu mu julu tsimikongu miotsu no tsi tsimiri miotsu.

Jeremie 11:13

Aa Juda, dutalu dubansambi bagu duvu dedi na dutalu dumisiengi miagu! Dutalu dubinyensulu bipagu bibakosi duvu dedi na dutalu dumansila maJerusalem, binyensulu bipagu biuvagulila Baal bima bimbunga jiboti.

Jeremie 11:17

Menu Fumu Mabadi nyimavara muoliva aguvu baJuda na baIsrael tumba namunyi nyibalubusi yiri voba dubungu adu bamakerombila; bamavaga dibi ava bamavagulila Baal bima bimbunga jiboti unyoyisa.

Jeremie 2:28

Tumba nyuduwaka rie: Bansambi benu aba dumakevayila baka? Baruyi pa borungula uduwaka kalala vatemu purulu! Aa jenu baJuda dutalu dubansambi benu duvu dedi na dutalu dumisiengi mienu.

Osee 12:11

Nyimavosa na babiyitsi na nyimafunisa biriariamu, nyimasalisa babiyitsi ubuaga banongu.

Osee 12:8

Efraim avu mutiyitsi muted aguvu na midodu mibi; edunsingi batu.

Osee 13:15

Diuleba Efraim amaba na digumba dineni va gari baana bataji bandi, punga jiyiari ayi wisi epalili jiuruga; punga jiFumu jiugumba o kumu, jiukamusa bileka biandi nesi biduna biandi bimamba. Bomukinda bungunu buotsu bubima bidufunu duneni.

Osee 13:2

Mbana batu bandi bemuevayingi masumu, besulumusi lora tsiogu tsivema uvaga bitumba na bamavaga bakosi na buketi buogu. Bevosi rie: Vengu tumuvagulila pagu! Befifi baana babangombi! Ka muna mbela ji!

Osee 13:6

Mbana gumadila biguji biagu na gumagukuru. Gunogukuru, gumabasa na nsangu; la dibandu gumandibinina.

Osee 2:10

Asamajaba yiri menu agumamiiveganga ble na malamu na matsi; na nyimamuvega lora na lora jivema atsi amasalisa uyitsa Baal.

Osee 2:8

Tumba menu Fumu nyidibiyi nsila andi na matsiendi na nyirungi yivaga yiri agomuelaba maviogulu mandi.

Osee 3:4

Yitsingu yineni baIsrael bagoba na kaga nesi sefu nesi pagu nesi yitumba nesi bingana umoyila na Nsambi.

Osee 4:7

Nana bavagulitsi bapagu bamafunina anana masumu mamafunina; bamasopana meʼ aguvu bundumba buogu na bakosi bansoruru.

Osee 8:11

Eft-aim amafunisa binyensulu bipagu uyenavaganga masumu; binyensulu bieni bipagu bimamurombisa mbela! Kamuna mbela ji!

Osee 8:4

Bamakesolila bakaga, diuleba nyisamabaruma na bamasundila usola basefu; na lora tsivema na lora bamavaga bakosi. Divu diwelimina ubatsiemusa nana.

Bisalu Bilevi 26:1

Duyagoma bakosi o bulongu buenu, duyavala ne yibagunu yiyima yiotsu ne yitumba na duyayitsa ne yinsi yimutu ayimabaku mu dimanyi na duyakutama va gusu bionyi, menu la Fumu Nsambi enu.

Nahoum 2:2

Mubungitsi otoga nagu Ninive. Bagora kelisanu yivaga! Kelisanu mansila! Warisanu mirima! Maninanu mangolu motsu.

2 Corinthiens 5:16

Kabogu jetu tugomuegengila batu nana bisi butamba bebagengilili. Ne pa kala tumagengila Christ na misu metu namunyi disaa nana.

Philippiens 2:21

Botsu basusu berondi amogu tsiri ama Jesus Christ.