Nyimbu 80:2 - La Sainte Bible en Langue Yipunu

² Mubungulitsi ubaIsrael liga matuji, ndeʼ aguiwendisi batu bagu nana guiwendisili mugamba! Vedimisa bundumba buagu ndeʼ aguitsani va yitsiga yiagu yibufumu ayivu va julu bibagunu bibi ansa!

Nyimbu 80:2 Iomraidhean Croise

1 Bakaga 8:6

Bavagulitsi bapagu bamakotisa yigara yipangini yiFumu o mbura jiyionyi o Mbura Ajivu Tindi Yingitsi o tsi mapapi mabibagunu bibiansa.

2 Bakaga 19:15

Mbana amasambila dusambu duedudu rie: Fumu Nsambi Israel aguitsani va gari biansa! Ndeʼ aguvu Nsambi mosi buandi jibufumu buotsu bubutamba, ndeʼ agumavaga julu na tsi.

Nyimbu 35:23

Kokolu tsiagu Nsambi, lerambugati utabulila bunsonsi buwelimina. Aa Nsambi lerambugati na dusungugu duagu!

Nyimbu 50:2

Sion uvu musiengi aguvu na tindi kembu, Nsambi evedimisi bundumba buandi muna.

Nyimbu 78:38

Tumba mu diambu durondu duandi amabatandila mabi na asamababunga; kumbu tsipuela amakekelisa yiri agonyoga na amasikiga kabu andi.

Nyimbu 99:1

Fumu avu kaga, batu bereyimi. Avu atsana va julu bibagunu bibiansa, butamba ukunga buikungi.

Ukumuga 25:22

Avana nyubengunina nagu va julu yitsiga yiyingeba ayivu yidibutsu yiyigara yipangini, va gari bibagunu bibiansa abivu va julu yigara yipangini, avana nyuguveyila maruma mami motsu mu diambu dibaIsrael.

Esaie 25:9

Va temu eni bovosa rie: Labatianu, Nsambi etu agumatuvayila yitu oyitugobuli. Nyiina, Fumu agu tumavayila yitu. Sangilanu na labanu ubueji na Mugobutsi etu!

Esaie 33:22

Fumu avu nsonsi etu, Fumu avu mulonsi etu nsila, Fumu avu kaga etu; jandi oyitugobuli.

1 Samuel 4:4

Kabogu bamatinda bilumbi o Silo na bamabaruma ubega yigara yipangini yiFumu ayimaba va gari bibagunu bibiansa. Baana babeji bababaala baHeli: Hofni na Pinhas, bamayevetsiga yigara yipangini yiNsambi.