Nyimbu 18:3 - La Sainte Bible en Langue Yipunu

³ Fumu avu dimanyi diami na yisuemunu yiami ayi nyisuemini. Nsambi avu dimanyi diami adi nyisuemini, ngubu ami na mangohi amekobuli na divumunu diami na yisuemunu yiami.

Nyimbu 18:3 Iomraidhean Croise

2 Samuel 22:4

Nyigamuyi rie: Duyitsu ombu Fumu! Nyimawaku kalala ombu bavinitsi bami.

Nehemie 9:5

Mbana bisi Levi na Yechoua na Admiel na Bani na Hachabneya na Cherebia na Hodia na Chebania na Petahia bamagamuga rie: Retsamanu! Gabusilanganu Fumu Nsambi enu diboti, mugabusilinganu diboti temu tsiotsu. Fumu ka muna ubueji gu uvu na diina diagu adivu na bundumba adiviolili motsu!

Nyimbu 144:1

Duimbu duDavid. Diboti ombu Fumu aguvu dimanyi diami, oyindonsi utoga nesi dujabu dudivita.

Nyimbu 145:3

Fumu avu muneni na avu tindi uwelimina uyitsu, buneni buandi bugorungula uwetsugu.

Nyimbu 3:4

Tumba nde Fumu guvu ngubu ami ajikayi na bundumba buami na gumakusula yisonyi.

Nyimbu 31:4

Ndeʼ guvu dimanyi diami. Na usigama uagu, ba mulonsi ami unsila na mubungulitsi ami.

Nyimbu 48:1

Duimbu dubaana bababaala baCore.

Nyimbu 50:15

Mbana ndengilianu mu yilumbu yimunyongu nyuduwaka kalala mbana dundodisa.

Nyimbu 55:16

Bavinitsi bami basundili uwenda o mbura jiabafu mu mbari mirima miogu mivu mibasa de na mbivulu.

Nyimbu 62:3

Jandi buandi avu dimanyi na yisuemunu, nesi mugobutsi ami. Ngopupusu via!

Nyimbu 62:8

Dugobutsu duami na bundumba buami bivu ombu Nsambi. Nsambi avu dimanyi diami adinsueyi, jandi avu yisuemunu yiami.

Nyimbu 71:3

Ba dimanyi diami adi nyisuemini; aguna nyuyesueminanga temu na temu.

Nyimbu 76:4

Avana amapansila bitogulu bidivita: mbansa na ngubu na dijenga. Letasatianu

Nyimbu 91:15

Ondengila na nyumuwagula; nyubanganga nandi ava olabilanga munyongu. Nyumuwaka kalala, nyumugabusa digoba diandi.

Nyimbu 91:2

Ana musuga utsingula Fumu rie: Ndeʼ guvu yisuemunu yiami na yivaga yiami, ndeʼ guvu Nsambi ami, nyiguvayili yitu.

Nyimbu 96:4

Fumu avu muneni, avu tindi uwelimina uyitsu.

Jeremie 16:19

Fumu guvu mangolu mami na tsiku ami na yisuemunu yiami mu yilumbu yimunyongu! Bisi malongu borambuyila o masuka mabutamba uruga ombu gagu na bogutsingula rie: Bataji betu bamabialila yika mfurulu na banganga abagaa na tsongu.

Luke 1:71

Jandi amavangana utuwamusa na jogu abetulasi maguga nodetsa batu abetuvini

Bisalu 2:21

Mbana uotsu agunengila diina diFumu ogobulu.

Dulasu 4:11

Fumu Nsambi etu, ndeʼ guwelimina udila bundumba na duyitsu na mangolu. Mu mbari gumasunda bima biotsu. Bima biotsu bivu na bimasundu na duganu duagu.