Nyimbu 16:4 - La Sainte Bible en Langue Yipunu

⁴ Abefunisi bakosi nodukanga bansambi bangana bolabanga yika maguga. Ngovagula pagu tsiogu tsimalungu; ngobaranguna, via!

Nyimbu 16:4 Iomraidhean Croise

Dibandu 35:14

Jacob amaretsiga dimanyi vana mbura aji Nsambi amavosila nandi; amawitila pagu jiunu va julu dionyi na matsi wandi; amadivaga yirangumunu yiyingitsi.

Nyimbu 32:10

Batu babi bolabanga tindi maguga tumba agumakevega ombu Fumu ana tindi maboti mandi.

Nyimbu 97:7

Botsu abeyitsi bibagunu bibima balabi yisionyi nesi jogu abeyitsi bakosi. Bansambi botsu bagudimi va gusu Nsambi.

Ukumuga 23:13

Gukelisanga motsu ama nyimagurumanga. Tsatsabi guyaranguna miina mabansambi basusu: mayarangunu ne urangunu nagu.

Esaie 57:6

Dikabu diagu adi dumasola divu mamanyi amamaliomusu na bivela; guimavagulili pagu tsiunu na gumavagulili pagu tsitsangu! Fumu ewivuli rie: Vengu nyuwarila bingana bimunongu eni?

Esaie 65:11

Namapapa uruga nyiruyi ombu genu aguimbusi aduilibini mukongu ami uyingitsi uyenakunsila nsambi Gad tavula nobasila nsambi Meni dimoyi!

Esaie 66:3

Jandi oyivaguli ngombi pagu avu dedi na jandi oyivaguli mutu pagu, jandi oyivaguli yindombu pagu avu dedi na jandi oyiloguli kingu mondi; jandi oyisambuli miensili avu dedi na jandi oyisambili bakosi. Bamasola nsila aji bevioyili na belabi ubueji na nsoruru tsiogu.

Jeremie 7:18

Baana beriabi mikansu, bataji bebangisi miuji na bagetu bevayi mapa uvagulila kaga jimugetu jijulu. Bevagulili bansambi bangana pagu tsiunu atsinyoyisi.

Bisalu Bilevi 23:13

Duvagula pagu jitsangu wandi: bibeji mu digumi bifufu atsimalambu na matsi, ajiuvagulu pagu ajiusielusunu o muji ajiugulunu mbunga jiboti ombu Fumu. Va julu vana duvagula pagu jiunu; mbuta jimosi na ditingi jimalamu.

Jonas 2:8

Ava minima ami umabakimina, nyimagurangimina Fumu na dusambu duami dumatola te nombu gagu o Ndagu agu.

Josue 23:7

Duyafubana mirima na bisi malongu meni abamasiala; duyaranguna diina dibansambi bogu na duyaleva pesi tsienu na bonyi; duyabagudimina ubayitsa.