Nyimbu 127:2 - La Sainte Bible en Langue Yipunu

² Kulini duiramubyi kedi jineni nesi duimoyi te na gari wisi, kulini duiketsoyisa udila badoli ujanganga; Fumu eveyi diwelimina ombu abandi badurondu nesi ava bewendili bilu.

Nyimbu 127:2 Iomraidhean Croise

Job 11:18

Gumueba na yitu ayivu na tsongu; gunolaba motsu mewendi buranga, guba na yivumu.

Nyimbu 3:5

Pa nyitatili Fumu, jandi aguvu o mukongu andi uyingitsi ekwaguli. Letasatianu

Nyimbu 4:8

Gumapega nsangu ajiviolila ajivu nogu ava begumbili digumba diogu.

Nyimbu 60:5

Gumatuwetsiga na mambu maranga, gumatunuisa malamu amamatulansa.

Banongu 10:22

Miula miFumu miveyi busina abugokaluga munyongu.

Mambu Mamungo Diela 1:14

Nyimalaba motsu amevagu vava tsi: laba motsu magaa na divindugulu. Mavu nderi mutu oyibingi punga.

Mambu Mamungo Diela 4:8

Vamaba dibaala adimatsananga pinsa asamaba na mutu nandi nesi muana dibaala nesi muana nguji udibaala tumba amasalanga temu tsiotsu ne nana asamatoga unyungila busina. Na asamawivula rie: Anyi nyisalili yiri ngaa na temu uvuma? Adina wandi digaa na divindugulu na digaa diwelimina.

Mambu Mamungo Diela 5:12

Nyimalaba dibi dineni vava tsi; busina abumasuegu bumarombisa yisina diguga.

Mambu Mamungo Diela 6:7

Biotsu abi mutu esali ebisali udugusu nsala tsiandi; ne nana agelabingi ubueji.

Jeremie 31:26

La dibandu bevosili rie: Ava nyimarambuyila nyimagengila na nyimalaba yiri yilu yiami yimaba yiboti.

Ezekiel 34:25

Nyuvangana pangini jiduvotsu nogu na nyutsiemusa bibulu bimusiru mu bulongu; biutsananga sui o kumu na biusiliminanga nesi o musiru.