Nyimbu 102:14 - La Sainte Bible en Langue Yipunu

¹⁴ Ndeʼ gumarambuga nolasa Sion yingeba; temu jimatola uguvaga maboti, nyiina, temu jimatola.

Nyimbu 102:14 Iomraidhean Croise

Esdras 1:5

Basefu bamikuta mibifumba biJuda na biBenjamin na bavagulitsi bapagu na bisi Levi: botsu abamadila ditasa diNsambi bamakunsama uwenda uyerunga Ndagu Nsambi o Jerusalem.

Esdras 7:27

Esdras amagamuga rie: Diboti ombu Fumu Nsambi bataji betu! Amavega kaga ditasa ukipa Ndagu andi ajivu o Jerusalem.

Nehemie 1:3

Bamawaka rie: Bansialutsu bavu o Juda o buviga, belabingi maguga na yisonyi wandi. Mbe ka Jerusalem, bivaga bimapansiga na biabutsu bimanyenga.

Nehemie 2:17

Nyimabatsingula rie: Ka muna maguga ma tuilabi! Jerusalem umapansu na biabutsu bi-uonyi bimanyenga! Ruganu turungulilianu bivagp biJerusalem, mbana yisonyi yiutusukila.

Nehemie 2:3

Nyimawaka kaga rie: Kaga abi monyu mutubu! Dibandu yi ngobila nyangirini? Musiengi uma ngila mabataji bami umapansu na biabutsu bi-uonyi bimanyenga!

Nehemie 4:10

Tumba ubandila na yilumbu yieni dikabu dimosi dibasalitsi bami bamasalanga na dikabu disusu dimaba dikunsama na makongu na bangubu na bapita na bikutu bimadilu bimagagala. Basefu bamakelisa baJuda botsu abamarungisa yivaga.

Nehemie 4:2

Jogu botsu bamagungasana uyetumuna Jerusalem nogubasa kimbu.

Nehemie 4:6

Kabogu baJuif abamatsananga bebeli na batu abamatuvina bamaruganga ne yigumi yikumbu uyitulubusa. Jogu rie: Uruga beruyili yiari na yiari.

Nyimbu 119:126

Aa Fumu, temu agu usala jimatola; jogu besumuni migaga miagu.

Nyimbu 79:1

Duimbu duAssaf. Aa Nsambi, bisi malongu bamabasa dilongu adivu disiala diagu, bamasabula Ndagu agu, bamakalusa Jerusalem yika diguki dimamanyi.

Esaie 14:1

Fumu olasa bategula baJacob yingeba, omuelasa yiri amasola Israel. Omuebagabusa o bulongu buogu; benyi bofubana nogu mbana bogukama o ndagu Jacob.

Esaie 40:2

Vosanu na buranga na Jerusalem, mutubulilianu yiri buviga buandi bumasuka na mabi mandi mamagusulu, Fumu amamana umukiiisa mu diambu dimabi mandi.

Esaie 51:3

Anana Fumu elasili Sion yingeba, elasi biotsu abimapansiga yingeba, okalusa mbura eni ajigaa na mamba nderi nungi Eden, na butamba bueni nderi nungi jiFumu. Nsangu nobueji biugulunu muna, nesi kabusulu tsimaboti na nyimbu wandi.

Jeremie 29:10

Guluanu ama Fumu amavosa rie: Yiotsu ayi magumidusambuali mabilima biusukila o Babylone, mbana nyudurangimina na nyudugusulu mambu mami maboti mu temu eni nyudugabusila va mbura ejiji.

Jeremie 30:18

Fumu amavosa rie: Ugabusa nyigabusi bakoli babatu bami o bulongu buebubu; nyudulasa yingeba o mandagu menu. Misiengi miumuerungululu muna bivongu ndagu jikaga jiumuerungululu nana jimalebila.

Daniel 9:16

Fumu, na yingeba yiagu yineni, kokolu tsiagu, kabu agu na fuiri agu biyamuebemba musiengi uJerusalem nesi mukongu agu uyingitsi. Mu diambu dimasumu metu na dimabi mabataji betu, Jerusalem na batu bagu belabingi yisonyi va gusu batu abetutsiengili.

Ruth 1:6

Mbana Noemi amasogama na baboji bandi na ditasa ugusuga o Moab mu mbari amagulu o Moab Fumu amalingula batu bandi na amabavega biguji.