Nyimbu 101:2 - La Sainte Bible en Langue Yipunu

² Nyukevega ukekelisa. Temu yi guruyila ombu gami? Ngaa na penda nesi na bisi ndagu ami.

Nyimbu 101:2 Iomraidhean Croise

Dibandu 18:19

Nyimamusola yiri olonsa baana bandi bababaala nesi bategula bandi ukelisa maruma mami novaga amavu mawelimina na masungama, anana nyudugusulu pangini aji nyimavangana na Abraham.

2 Samuel 8:15

David amarumanga o Israel na dusungugu na asamaba na dupasu.

1 Bakaga 11:4

Salomon anonuna bagatsi bandi bamamurombisa uyitsa bansambi bangana: asamakevega ombu Fumu Nsambi andi nana taji andi David amakeveyila.

1 Bakaga 9:4

Mbe ka ndeʼ pa gudugusu duganu duami nana taji agu David amadudugusulungu na murima uotsu novaganga motsu ama nyimaguruma, pa guikelisi migaga miami na maruma mami,

2 Misamu 15:17

Asamatsiemusa mbura tsiduytsu tsibaIsrael diuleba amakevega ombu Fumu yitsingu yiandi yiotsu.

2 Misamu 30:12

Mbe ka baJuda, bamaba na kingu mosi udugusu diruma dikaga na basefu bandi mu mbari Fumu amaba nogu.

Nyimbu 101:6

Nyina nsangu na bisi bulongu abuvu basigama; boba bambatsi bami. Jandi aguvu usigama la jandi agumansalila.

Nyimbu 119:106

Nyukelisa pangini aji nyimavangana nagu ukelisa migaga miagu misungama.

Nyimbu 119:115

Jenu batu babi kakananu nami, nyikelisingi maruma maNsambi ami!

Nyimbu 26:11

Nyimakekelisa va gusu agu; ndasi yingeba nokwaka kalala!

Nyimbu 40:17

Basigama bagu botsu balabingi nsangu nogusangilanga! Botsu abegurondi bavosingi rie: Fumu avu muneni!

Ukumuga 20:24

Gukatungila yinyensulu yipagu yibutamba va julu yionyi gupagulila pagu tsiunyensa, na pagu tsiagu tsikabusulu tsimaboti na bindombu biagu na binsabi biagu na bangombi bagu. Va mbura tsiotsu atsi nyukelasa ombu gagu nyuruga uyigugabila miula.

Esaie 38:3

Aa Fumu, rangimina yiri nyimawendanga sungingi na usigama na murima usunda na nyimavaganga yika maboti va gusu agu! Ezekias amalila tindi ulila.

Migaga Mimatubula 6:7

Gukamalonsanga baana bagu, gukamavosanga ava gubila o ndagu agu nesi mu mulingu nesi ava gusiliminanga nesi ava gusimbuyilanga.

Josue 24:15

Pa duilabi yiri digaa diwelimina usalila Fumu kabogu kotanu muyitsa agu duirondi; nesi bansambi aba bataji benu bamasalila o disimu dina dimujamba nesi bansambi babaAmor o bulongu abu dumaletsaninanga.

1 Samuel 22:14

Ahimelek amawivula kaga rie: Anyi va gari basalitsi bagu botsu orungula ubagusunu na David aguvu tindi usigama? Anyi avu boji buagu? Anyi eviolili botsu uduka maruma magu? Anyi eyitsu o ndagu agu?