Matthieu 9:34 - La Sainte Bible en Langue Yipunu

³⁴ Tumba baJuif abamaba baPharisie bamavosa rie: Na mangolu mayivunda yibinyunyi bibi epalisili binyunyi bibi.

Matthieu 9:34 Iomraidhean Croise

Matthieu 10:25

Kabogu muwijitsi asali uba nana mulonsi andi na musalitsi asali uba nana fumu andi. Pa Taji amanengulungu Beelzebul, bagonengila baana na miina amamaviolila ubiva?

Matthieu 11:18

Ava Jean amaruyila amabusa uji na asamanuanganga malamu na dumavosa rie: Ana yinyunyi yibi!

Matthieu 12:22

Mbana batu bamabega mutu ombu Jesus agumaba na yinyunyi yibi ayimamurombisa uba yidunga na dibaba. Jesus amamubelusa; amatiemuna na amavosa wandi.

Matthieu 12:27

Duivosi yiri nyipalisi binyunyi bibi mu mbari Beelzebul epeyi mangolu. Badukitsi benu, agunyi bedilili mangolu mogu? Labatianu jogu beduveyi mbela!

Marc 3:22

Milonsi mimigaga abamasunduyila o Jerusalem bamavosa rie: Jandi amafubana murima na Beelzebul, diwendi rie: Diabu! Basusu bamasinga rie: Yivunda yibinyunyi bibi emuveyi mangolu upalisa binyunyi bieni.

Luke 11:15

Bamosi bamavosa rie: Beelzebul, yivunda yibinyunyi bibi emuveyi mangolu ubipalisa.

Jean 3:20

Mu mbari oyiduki mabi evini yijalala na agerondi umonutsu mu mbari bisalu biandi bibi bikejabunu.

Jean 7:20

Bamawagula rie: Ndeʼ guna yinyunyi yibi. Anyi erondi uguboka?