Matthieu 9:33 - La Sainte Bible en Langue Yipunu

³³ Yinyunyi yibi yinopalusu dibaba dimavosa. Batu bamakambulu na bamavosa rie: Na kala tusakalaba diambu nana mu Israel jiotsu!

Matthieu 9:33 Iomraidhean Croise

2 Bakaga 5:8

Ava Elisee mubiyitsi amagululu yiri kaga jiIsrael amapasa biduaru biandi amasindiga mutu uyewivula kaga rie: Dibandu yi gumapasila biduaru biagu? Mutindi ombu gami. Mbana ojaba yiri o Israel uvu mubiyitsi.

Nyimbu 76:1

Duimbu duyivunda yibawimbitsi na duAssaf adumawimbulu na bisigu abivu na mikudu.

Esaie 35:6

oyipitsuyi odumuga nderi kabi na dibaba ovosa na nsangu, mamba mobasa kumu nesi mbura jigumuga.

Jeremie 32:20

Ndeʼ gumavaga bimaga na bilimba o bulongu buEgypte, guibivayi te na namunyi nesi o Israel na va gari batu, gumakevega diduma adivu nagu te na namunyi.

Matthieu 8:10

Jesus amakambulu ava amagululu mambu memama, amageluga ombu batu abamamudukanga na amavosa rie: Nyiruyilanga nyisakalaba yitu yimunongu egugu, nesi o Israel.

Matthieu 9:32

Ava batu bamosi bamaganina Jesus batu basusu bamamubeyila mutu agumaba na yinyunyi yibi ayimamurombisa uba dibaba.

Marc 2:12

Vana vana amarelama na amabonga tangi andi na va misu mogu amapala. Botsu bamakambulu mu dionyi na bamadodisa Nsambi novosa rie: Na kala tusakalaba nana.

Luke 11:14

Jesus amapalisa yinyunyi yibi ayimarombisa dibaala bubaba. Yinyunyi yibi yinopalusu dibaala amavosa; batu bapuela bamakambulu.

Luke 7:9

Jesus amakambulu ava amagululu mambu memama; amageluga ombu batu abamamudukanga na amavosa nogu rie: Nyiruyilanga nyisakalaba yitu yimunongu egugu nesi o Israel!