Matthieu 9:28 - La Sainte Bible en Langue Yipunu

²⁸ Jesus anokota o ndagu, bidunga bimamurasuna na jandi amabawivula rie: Duna yitu yiri nyurungula uduvayila dionyi! Jogu bamamuwagula rie: Nyiina, Mulonsi.

Matthieu 9:28 Iomraidhean Croise

1 Bakaga 17:16

Fufu ajimaba mu saku jisamasuka na matsi amamaba mu tsuva masamasiegama via, nana Elie amavosila Fumu.

Matthieu 13:1

Muna yilumbu yieni Jesus amapala o ndagu na amatsana va mugula yiliba uyelonsa batu.

Matthieu 13:36

Mbana Jesus amaganina batu na amakota o ndagu. Badukitsi bandi bamamurasuna na bamamuwivula rie: Bilonga o nungi, divindugulu yi?

Matthieu 13:58

Jandi asamavaga bimaga bipuela va mbura eni mu mbari basamamuvayila yitu.

Matthieu 8:14

Mbana Jesus amamuewenda o ndagu Pierre, amarasuna boji buPierre asilama mu mbari amaba na dibagu.

Matthieu 8:2

Yibedu yinyambi amamurasuna na anokutama va gusu andi amavosa rie: Fumu, pa guirondi gurungula umbelusa.

Matthieu 9:22

Jesus anogeluga amamulaba na amavosa rie: Sunsa murima muana ami, yitu yiagu yimagubelusa. Vana vana amabeluga.

Matthieu 9:27

Jesus anogusuga vana bidunga bibeji bimamuduka. Bimagamuganga rie: Muana David, tulasi yingeba!

Matthieu 9:29

Mbana Jesus amabemba misu mogu na amavosa rie: Diduvagulu nana dutsivayila yitu.

Jean 11:26

na uotsu aguvu monyu na epayili yitu agofu, via! Guidivayili yitu?

Jean 11:40

Jesus amamuwivula rie: Ngaalegutsingula yiri pa guna yitu gulaba mangolu maNsambi.

Bisalu 14:9

Jandi amagulungu malongi maPaul. Paul amamugengila yisuisu na amajaba yiri amaba na yitu yiwelimina ubeluga.