Matthieu 9:27 - La Sainte Bible en Langue Yipunu

²⁷ Jesus anogusuga vana bidunga bibeji bimamuduka. Bimagamuganga rie: Muana David, tulasi yingeba!

Matthieu 9:27 Iomraidhean Croise

Matthieu 1:1

Bukulu buJesus Christ muana David muana Abraham.

Matthieu 11:5

bidunga bikalaba, bitsondu bigemuetsonduga, bibedu binyambi bikabelusu, madiba makagulu, bamfumbi bakarambuga na Musamu Uboti ukasamunu ombu bijaga.

Matthieu 15:22

Mugetu, muisi Cana agumatsana vana, amamurasuna. Amagamuga rie: Muana David ndasi yingeba! Muana ami umugetu enyonyusungu na yinyunyi yibi.

Matthieu 17:15

novosa rie: Mulonsi, kokolu tsiagu, lasa muana ami dibaala yingeba! Ana sira sira na o tsi nyambu ekebuayingi o muji nesi o mamba.

Matthieu 20:29

Ava bamasoyimina o Jericho yinombu yineni yimaduka Jesus.

Matthieu 21:15

Bivunda bibavagulitsi bapagu na milonsi mimigaga bamalaba mambu maboti ama jandi amavaga na bamagulu bangebi ugamuga begamuyi o Ndagu Nsambi rie: Diboti ombu Muana David!

Matthieu 21:9

Binombu abimawenda va gusu Jesus na abimamuduka bimayenagamuganga rie: Diboti ombu Muana David! Miula mibi ombu jandi oyiruyi mu diina diFumu! Diboti ombu Nsambi!

Matthieu 9:28

Jesus anokota o ndagu, bidunga bimamurasuna na jandi amabawivula rie: Duna yitu yiri nyurungula uduvayila dionyi! Jogu bamamuwagula rie: Nyiina, Mulonsi.

Marc 11:10

Miula mibi mu durumu aduiruyi, durumu dutaji etu David! Diboti ombuNsambi!

Marc 9:22

Temu tsipuela yinyunyi yieni yimubuayi o muji nesi o mamba, yirondi umuboka. Pa gurungula, tulasi yingeba, tuwamusi!

Luke 17:13

na bamagamuga rie: Jesus, Mulonsi, tulasi yingeba!

Luke 20:41

Jesus amabawivula rie: Dibandu yi bevosili yiri Christ aji mutegula uDavid.

Luke 7:21

Va misu mogu Jesus amabelusa bibedu na bibomfi na amapalisa binyunyi bibi na amatiemusa bidunga.

Jean 7:42

Bisonu bisonugu rie: Mutegula uDavid na mu musiengi uBethleem amu David amatsaninanga amu Christ opalila, mbeyianu?

Romains 1:3

Musamu eni uilonsi mambu maMuana andi Fumu etu Jesus Christ; amaba mutegula ukaga David;

Romains 9:5

Baji bategula babivunda na Christ aji yifumba yi-mosi nogu. Diboti ombu Nsambi mutubu. Amen!