Matthieu 8:3 - La Sainte Bible en Langue Yipunu

³ Jesus amasimbula gogu amamubemba na amavosa rie: Nyirondi, beluga. Vana vana nyambi andi jimabeluga.

Matthieu 8:3 Iomraidhean Croise

Dibandu 1:3

Nsambi amavosa rie: Yijalala yibi! Na yijalala yimaba.

2 Bakaga 5:11

Naaman asamalaba ubueji; amayenawenda novosa rie: Guluati, nsitasanga rie: Otasuna jaʼ beni na osambila diina diFumu Nsambi andi, obembisa dikaka diandi va mbura aji nyibeli na nyambi jiubeluga.

2 Bakaga 5:14

Kabogu Naaman amasunduga na amaputama yisambuali yikumbu o Jourdain nana mubiyitsi amavosila; mukata andi gumakaluga nderi umuana kali na amalioma.

Nyimbu 33:9

Ava amavosila, ama amavosa mamalabana; ava amarumina biotsu bimalabana.

Ukumuga 4:7

Fumu amaruma Moise rie: Muesoma dikaka diagu o tsi yikutu yiagu. Moise amagabusa dikaka diandi o tsi yikutu yiandi, dimamuegabuga nana dimabila va kala.

Matthieu 12:13

Mbana amavosa na dibaala rie: Simbula gogu agu. Jandi amagusimbula, umabeluga buranga na miotsu mibeji mimaba dedi.

Marc 1:41

Jesus amagaangu na munyongu na amasimbula gogu; anomubemba amavosa nandi rie: Nyirondi, beluga.

Marc 4:39

Jesus anorambuga amaruma punga rie: Vola sui! Punga jimavola na duvotsu dumaba duneni.

Marc 5:41

Jesus amagaanga gogu muana na amavosa nandi rie: Talitha koum, divindugulu rie: Menu nyirumi rie: Muana umugetu ugeyi, relama!

Marc 7:34

Mbana Jesus amabuaga misu o julu; amatsukama na amavosa na dibaba rie: Effata, diwendi rie: panduga.

Marc 9:25

Jesus anolaba batu uruga beruyi mambangu amanyangila yinyunyi yibi noyiruma rie: Ndeʼ yinyunyi yibubaba na madiba pala, guyamuemukotila.

Luke 4:27

Vamaba bibedu bipuela binyambi o Israel mu temu mubiyitsi Elisee wandi tumba basusu basamabelusu yika Naaman muisi Syrie buandi.

Luke 5:13

Jesus amasimbula gogu na amamubemba na amavosa rie: Nyirondi, beluga. Vana vana nyambi jimabeluga. Mbana amamutsingula rie: Guyatsingula mutu.

Luke 7:14

Mbana Jesus amakueka ombu gogu; amabemba yigara yimfumbi na babaala abamayibeganga bamasikama. Jesus amaruma rie: Mufudu, rambugati!

Jean 11:43

Anomana uvosa nana amagamuga rie: Lazare, pala!

Jean 15:24

Mbe nyisamabalasa bisahi abisakasalu na batu basusu mbe bagaa na mbela tumba banondaba na bisalu biami bamatuvina, jetu na Tata.

Jean 5:21

Mu mbari nana Taji erambusili bamfumbi nobavega monyu anana Muana wandi eveyili monyu ombu agu erondi umuvega.