Matthieu 8:17 - La Sainte Bible en Langue Yipunu

¹⁷ Amadivaga udugusu adimavosu na Esaie mubiyitsi rie: Jandi amagusula bubomfi buetu nesi maali metu.

Matthieu 8:17 Iomraidhean Croise

Dibandu 22:6

Abraham amabonga mikansu miuvagulila pagu, amamiwakisa muana andi Isaac, jaʼ beni amabeganga muinda na dibaga, jogu botsu babeji bamawendanga va mosi.

Esaie 53:4

Dingensa amawarila maguga metu nesi maali metu tumba tumatasa yiri Nsambi agumamukilisa nesi umudimba nesi umusundusa.

Matthieu 1:22

Motsu mana mamalabana udugusu ama mubiyitsi amavosila Fumu rie:

Matthieu 2:15

Aguna bamatsana te na dufu duHerode. Dimavagu udugusu adi mubiyitsi amavosila Fumu rie: Nyimapalisa muana ami o Egypte.

Matthieu 2:23

uyetsana o dimbu adinengulu Nazareth. Dimavagu udugusu adimabigu na babiyitsi rie: Jandi onengulungu muisi Nazareth.

Marc 1:32

Wisi unotsima bamamubeyila bibedu biotsu nesi abamaba na binyunyi bibi.

Luke 4:40

Wisi unotsima botsu abamaba na bibedu biminongu na minongu bamabibega ombu Jesus. Amabasakiga miogu na biotsu bimabeluga.

2 Corinthiens 12:10

La dibandu nyilabili yika ubueji, ne pa nyudeda ne pa bonsienga ne pa nyulaba purulu vo ne pa nyulaba munyongu; ngaa na diambu mu mbari Christ aji nami. Ava nyivu nyideda la vana nyivu na mangolu.

1 Pierre 2:24

Ava jandi amafuila va kurusu, masumu metu mamatsiemuga vana, la dibandu tumarungulila utsana abasungama. Mu diambu dimapura mandi jenu dumabeluga.