Matthieu 7:7 - La Sainte Bible en Langue Yipunu

⁷ Vondanganu, duvegungu; rombanganu, dulabanga; dukisanganu na dudibululungu.

Matthieu 7:7 Iomraidhean Croise

Dibandu 26:32

Muna yilumbu yieni basalitsi balsaac bamawenda uyemutsingula mu diambu diyiduna yimamba ayi bamatimanga, bamavosa rie: Tumadila mamba.

1 Bakaga 3:5

Mukolu umosi Fumu Nsambi amalabana o ndosi na Salomon o Gabaon, amamutsingula rie: Vonda ayi guirondi yiri nyuguvega.

Nyimbu 10:17

Aa Fumu, ndeʼ guijabi nsala tsibatu abelabi maguga, ndeʼ guiwarisi mirima miogu. Guibaliyili dituji ubagulu,

Nyimbu 10:4

Mutu mubi evosi na dunangu rie: Nsambi agekilisi via, agorungula! Motsu mana mavu matasa mamutu mubi.

Nyimbu 119:12

Aa Fumu, diboti ombu gagu. Ndonsi maruma magu.

Nyimbu 27:8

Utasa nyitasi adi gumavosa rie: Romba yinsi yiami! Aa Fumu, uromba nyirombi yinsi yiagu!

Nyimbu 34:4

Tutubulianu maneni maFumu jetu nenu tuyitsianu diina diandi.

Nyimbu 37:4

Fumu abi maboti magu motsu mbana oguvayila ama guvu na nsala.

Nyimbu 50:15

Mbana ndengilianu mu yilumbu yimunyongu nyuduwaka kalala mbana dundodisa.

Nyimbu 69:32

Fumu adina digulasi ubueji ne uviolila ngombi aji nyuguvagulila, ne mulumi ngombi aguvu na masiyi na birodi.

Nyimbu 70:4

Jogu botsu abeteki babetsu; jogu abeposili rie: Joʼ ve!

Nyimbu 86:5

Aa Fumu, ndeʼ guvu muboti na guitandingi, guilasingi maboti ombu jogu abegutatili.

Banongu 8:17

Nyirondi jogu abetondi, jogu abetombi bendabi.

Duimbu Adutviolili Nyimbu 3:2

Nyuretsama; nyutsiengila musiengi, nesi mu mansila nesi o makasa; nyurombanga agu nyirondi na murima ami uotsu. Nyimamuromba, nyisamamulaba.

Esaie 30:19

Nyiina, jenu bisi Sion aduitsani o Jerusalem, dugomuelila! Fumu oduvayila maboti ava dugamuyila; yika edugulu oduwagula.

Jeremie 33:3

Nsambili na nyuguwagula; nyugutsingula mambu maneni amamasuegu ama ndeʼ gugejabi.

Amos 5:4

Fumu amavosa na baIsrael rie: Tombianu mbana dudila monyu!

Matthieu 18:19

Jabanu wandi rie: Pa jenu babeji dusambila na murima umosi Taji ami ajivu o julu odugulu.

Matthieu 21:22

Pa duna yitu adi duwivula na dusambu, adina dudila.

Matthieu 6:33

Leveganu mirima mienu ombu Fumu na jabanu dusungugu duandi mbana Nsambi oduvega motsu mana.

Matthieu 7:11

Lesa jenu babi duijabi uvayila baana benu maboti tambusa na Taji ajivu o julu! Agovega maboti ombu jogu abemuvondi?

Matthieu 7:8

Mu mbari uotsu oyivondingi edilingi, jandi oyirombingi elabingi na bedibulilingi oyidukisingi.

Marc 11:24

La dibandu nyidutsinguli rie: Ava duisambilili novonda yima, vaganu yitu yiri dumayidila na yionyi yiuduvegu.

Luke 13:25

Fumu ndagu orelama nobindiga ndagu. Jenu aduvu va gusu kana dudukisa novosa rie: Fumu, tudibulili. Oduwagula rie: Ngejabi agu duiruyisini!

Luke 18:1

Jesus amababuayila nongu ulonsa yiri mutu asambilingi temu tsiotsu; ayalabanga murima utsira.

Jean 15:16

Tsiri jenu adumansola tumba menu nyimadusola. Nyimadusindiga ufunanga. Diwendi rie: Ama duwivula Tata mu diina diami oduvega.

Jean 15:7

Pa dumafubana mirima nami na pa mambu mami megulunu nenu wivulanu adi duvu na nsala na dionyi diuduvagulu.

Jean 4:10

Jesus amamugabusila rie: Mbe ndeʼ guijabi pegulu Nsambi na jandi oyivosi nagu rie: Peyi mamba! Ndeʼ beni mbe gumuvonda mamba na mbe oguvega mamba mamonyu.

Romains 2:7

Ovega monyu umutubu ombu jogu abekeveyingi usala na yisuebiri yiri bolaba bundumba na duyitsu te na bodila tindi monyu.

Romains 3:11

Vagaa mutu aguvu na dujabu, vagaa mutu aguirombi Nsambi ne umosi.

Hebreux 11:6

Mutu agorungula ulasa Nsambi ubueji pa agaa na yitu. Jandi aguibambini na Nsambi vengu abi na yitu yiri Nsambi avu na yiri Osaka jogu abemurondi.

Jacques 5:15

Dusambu adumasambulu na yitu dubelusa yibedu na Fumu omureliga na pa amavaga masumu momutandu.

1 Jean 3:22

Tuidili adi tuivondi mu mbari tuidedili maruma mandi na tuivayianu amemulasi ubueji.