Matthieu 7:15 - La Sainte Bible en Langue Yipunu

¹⁵ Lubuganu, babiyitsi bamfurulu uruga beruyi! Belabini nderi bavu bindombu kabogu bavu baminsi.

Matthieu 7:15 Iomraidhean Croise

1 Bakaga 13:18

Yinunu yimubiyitsi amamutsotsa rie: Meʼ wami nyivu mubiyitsi dedi mosi na ndeʼ; yiansa yimatasuna na oyimavosa mambu maFumu na yimansingula rie: Mubeyi o ndagu agu uleyeji biguji noyenu mamba. Ufurila amamufurila.

Jeremie 29:21

Fumu Mabadi aguvu Nsambi Israel amavosa mu diambu diAhab muana dibaala uColaya na Sidequia muana dibaala uMaasseya abedubiyili mamfurulu mu diina diami rie: Guluanu nyibawakisa ombu Nabucodonosor kaga jiBabylone; jandi obabokisa va misu menu.

Jeremie 29:32

kabogu guluanu adi menu Fumu nyivosi rie: Nyukilisa Chemaya na bategula bandi; ne mutu andi umosi agotsananga va gari batubebaba na agolaba maboti ama nyuvayila batu bami, Fumu amabuela rie: Jandi amasibisa batu uba mimbini miFumu.

Ezekiel 13:16

dedi mosi na babiyitsi baIsrael abamabiyila Jerusalem na abamagulabila biriariamu biduvotsu, diuleba vagaa duvotsu! Menu aguvu Fumu Nsambi oyiditubuli.

Ezekiel 13:22

Jenu duitsirisi mutu usungama murima na mfurulu tsienu diuleba meʼ beni nyisamamunyongisa na duiwarisi batu babi mu mabi mogu yiri bagokalula diela nodila monyu.

Ezekiel 22:25

Babiyitsi bamamutungila fundu; nana yimbungu yigumbili uvopula ayi yiuji dedi mosi jogu begaangi babaala na bebialili busina na bima bidufunu duneni; bakuili bofunanga.

Ezekiel 22:27

Basefu bavu nderi baminsi abevopuli abi boji; bewitili malungu na beboki batu udila biogu.

Daniel 11:34

Va temu jidikuana dieni bowamusa mua pesu na bapuela bofubana nogu na mabeʼ mabeji.

Michee 3:11

Bansonsi betabuli bunsonsi udila milendu; bavagulitsi bapagu belonsi yiri bofutu; babiyitsi bebiyi udila lora jivema. Mbana bana bukidi unengila Fumu na bewivuli rie: Fumu agaa netu? Dibi digotudala?

Zacharie 13:4

Muna yilumbu yieni babiyitsi bolaba yisonyi mu diambu dibiriariamu biogu ava bobiyilanga; bagomuelinga na yijungi yimionyi yibuvagulitsi uyenadunsanga batu.

Matthieu 10:17

Lubuganu mu mbari voba batu abodugaanga nodubega o mifundu, bodudimba mambata o Mandagu maYibenguna.

Matthieu 16:11

Dibandu yi dugaagulu yiri ngaavosa diambu dimapa? Kebananu mu diambu didufunusu dubaJuif ne baPharisie ne baSadducee.

Matthieu 16:6

Jesus amabalubusa rie: Kebananu mu diambu didufunusu dubaJuif ne baPharisie ne baSadducee.

Matthieu 24:11

Babiyitsi bamfurulu bofunanga na boyenadunsanga bapuela.

Matthieu 7:14

Tumba munu ndagu ubandana uisupuyi te no nsila ajiviosi mutu o monyu; tsiri bapuela abejivioyili.

Luke 12:15

Mbana amatsingula botsu rie: Kebananu duyanyiganga mu mbari anyi esumbi muvumu, ne pa ana busina buneni!

Luke 6:26

Ka muna munyongu gu dulaba o gusu ne pa batu beduvosili maboti! Duyalibana bataji babatu beni bamavosilanga babiyitsi bamfurulu munongu mosi.

Jean 10:12

Tumba oyisali yika udila mbongu agugaa mubungulitsi ubindombu, esili bindombu mu mbari bigaa biandi; mbana ava elabili minsi uruga miruyi erini na mibimborumuni na mibipansi.

Bisalu 13:40

Kabogu kebananu yiri mbigulu ajimabigu na babiyitsi jigodugaanga. Bamabiga rie:

Bisalu 13:6

Bamananga nyingi eni te no Paphos, aguna bamabenguna na muvanditsi, diina diandi BarJesus.

Galates 2:4

Diwendi rie: vamaba musosi mu diambu diandi; batu abamasoga diela nderi bavu baana bataji bamaronda umureba. Batu beni bamakota va gari etu uwiji dujegusu adu tumadila ava tumafubinina mirima na Jesus Christ. Bamaronda yiri tumueba baviga.

Ephesiens 4:14

Mbana tugomuebagunu na mibiji amifunduyingi, diwendi rie: tugomueba nderi bangebi aborungula uduka ndunsulu nesi batu abesoyi diela.

Ephesiens 5:6

Duyagulu posulu tsibuduka atsirunguli udunsa mu mbari botsu abetsigulu bolaba kabu Nsambi.

Philippiens 3:2

Kebananu na jogu abevayingi mabi aberondi udureba, baji nderi bamondi.

Colossiens 2:8

Kebananu! Duyadunsu na jogu abelonsi dujabu dubatu aduvu yika kulini, duyagulu malongi mabatu abedulonsi mambu mabinyunyi abirumi butamba buebubu, jogu bagejabi mambu maChrist.

2 Timothee 3:13

Balensitsi na bafuritsi bobuesa dibi va julu dibi na bodunsa basusu na bokedunsa wandi.

2 Timothee 4:3

Mu mbari mu temu ajiuruga batu bobusa malongi mabod tumba bolimbiyila ugulu ama berondi, bokerombila milonsi amivu minoogu ami berondi.

2 Pierre 3:17

Kabogu bambatsi badurondu jenu dumalubusu mu diambu dinsimbulu tsiotsu. Kebananu yiri dugodunsu na batu babi. Tsiri ava disimu buatu buipumuyili?

1 Jean 4:1

Bambatsi badurondu, duyavayila botsu yitu abevosi rie: Yinyunyi yiNsambi aji nami. Lebawijianu nojaba yeri yinyunyi ayivu nogu yimaruyila ombu Nsambi. Babiyitsi bamfurulu bamayenalinganga yiari na yiari.

Jude 1:4

Batu bamosi aberondi ubivisa yisalu bamakota va gari enu. Bageyitsi Nsambi na bekalusi malongi mama-boti maNsambi nderi maboti mandi mebaveyi musuga uvaga nana berondili. Va julu vana begali Jesus Christ aguvu Fumu etu. Kala kala Bisonu bimabiga rie: bana mbela.

Dulasu 16:13

Mbana nyimalaba binyunyi bibi birieru abimabagunu na milansa. Binyunyi bieni bimapalila o munu umukuimbi-nyoga, na munu uyibulu na munu umubiyitsi umamfurulu.

Dulasu 17:6

Mbana nyimalaba mugetu eni amalanganga na malungu mabatu baNsambi na majogu abamaboku mu mbari bamaba basigama ombu Jesus. Nyinomulaba, nyimakambulu puela.

Dulasu 19:20

Yibulu va mosi na mubiyitsi umamfurulu agumavaga bimaga bamakotusu o tsugu. (Na bimaga bieni amadunsa jogu abamasonu na yibulu na abamayitsa yibagunu yiandi.) Yibulu na mubiyitsi umamfurulu bamabuagu jogu botsu babeji o dianga dimuji na fula.

Dulasu 20:10

Mbana diabu agumabadunsanga amabuagu o dianga dimuji na fula agu yibulu na mubiyitsi umamfurulu bamabuagu kala. Botsogusungu nyangu na mukolu te na mutubu.