Matthieu 6:24 - La Sainte Bible en Langue Yipunu

²⁴ Mutu agorungula usalila fumu beji: ovina umosi noronda ususu; vo oyitsa umosi nolensa ususu. Munongu mosi nenu, dugorungula usalila Nsambi na busina va mosi.

Matthieu 6:24 Iomraidhean Croise

Dibandu 47:17

Bamabega migamba miogu ombu Joseph agumamisopana na biguji: nesi bakabala nesi migamba mibindombu na mibinsabi na mibangombi nesi baburu. Amabavega biguji yilima yieni yiotsu abi bamasopana na migamba miogu.

1 Bakaga 18:21

Mbana Elie amarelama va gusu batu botsu na amawivula rie: Te na temu yi dubanganga na mirima mibeji? Pa Fumu avu Nsambi mudukianu! Pa Baal mudukianu! Batu basamamuwaka diambu.

2 Bakaga 17:41

Bisi malongu bamayitsanga Fumu va mosi na bakosi bogu: baana jogu na bategula bogu bevayingi munongu mosi te na namunyi.

Ezekiel 20:39

Jenu baIsrael, menu aguvu Fumu Nsambi nyivosi rie: Wendanu, mutu mutu uyeyitsa kosi andi! Tumba va julu vana dukulu na dugomuelensa diina diami adivu yingitsi ava duivagulili bakosi benu pagu.

Sophonie 1:5

Nyubunga jogu abegudimi va julu tsimiansa uyitsa bambuelili na tsungi na wisi nesi jogu abegudimi noleva pesi na diina diMilkom nsambi ogu.

Matthieu 4:10

Jesus amamuwaka rie: Ndundi Satan! Disonugu rie: Yitsa yika Fumu Nsambi agu nomusalila buandi.

Luke 16:11

Kabogu pa dusamaba basigama na mambu mambongu anyi oduvega tindi busina?

Luke 16:13

Vagaa musalitsi ne umosi agurungula usalila fumu beji, diwendi rie: ovina fumu mosi noronda jisusu; oyitsa fumu mosi nolensa jisusu. Dugorungula usalila Nsambi na mbongu.

Luke 16:9

Jesus amabuesa rie: Kabogu nyidutsinguli rie: Salisanu busina buenu udila bambatsi yiri ava busukila dudilu na nsangu o julu.

Galates 1:10

Duitasi yiri nyina nsala udodusu na batu? Tsatsabi! Nyina nsala udodusu na Nsambi! Je nyina nsala ulasa batu ubueji? Mbe anana mbe ngoba musalitsi uChrist.

1 Timothee 6:17

Lonsa bisina bitemu ejiji yiri bayaba na dunangu na ditasa diogu diyaba mu busina abuinyambini tumba bavayili Nsambi yitu, jandi oyituveyi bima biotsu ne uviosulila.

2 Timothee 4:10

mu mban Demas amambusa kala na eduki mambu mabutamba buebubu, amawenda o Thessalonique na Crescens amawenda o Galatie na Tite wandi amawenda o Dalmatie.

Jacques 4:4

Ka muna dimbunga di! Dinonga na bisi butamba digesoyini na Nsambi. Yiotsu ayi duinongi na bisi butamba duikevaga bavinitsi baNsambi.

Josue 24:15

Pa duilabi yiri digaa diwelimina usalila Fumu kabogu kotanu muyitsa agu duirondi; nesi bansambi aba bataji benu bamasalila o disimu dina dimujamba nesi bansambi babaAmor o bulongu abu dumaletsaninanga.

1 Samuel 7:3

Samuel amatsingula baIsrael botsu rie: Pa duigabuyi na mirima mienu miotsu ombu Fumu, gusulanu bansambi bangana na kosi jiAstarte, keveganu na murima umosi ombu Fumu nosalila yika jandi. Mbana jandi oduwaka kalala ombu baPhilistin.