Matthieu 6:20 - La Sainte Bible en Langue Yipunu

²⁰ Tumba rombanu busina bujulu; abugobembu na batsielili nesi maali nesi badayitsi.

Matthieu 6:20 Iomraidhean Croise

Esaie 33:6

Bilumbu biagu bigoba na diambu; diela na dujabu bibeyi dugobutsu; uduma Fumu uvu nderi bungunu buSion.

Matthieu 19:21

Jesus amamutsingula rie: Pa guirondi udugusu motsu, weʼ yesumbisa biotsu abivu nagu novega badoli beni ombu bijaga na guba na busina o julu. Mbana ruga, nduki.

Matthieu 6:19

Duyaromba usuega busina bubutamba buebubu abu batsielili na maali bibungi vo abu badayitsi bedayi.

Marc 10:21

Jesus amamugengila yisuisu, amamuronda puela; amavosa nandi rie: Vaki diambu dimosi! Weʼ yesumbisa biotsu abivu nagu novega badoli ombu bijaga mbana guba na busina o julu; mbana ruga, nduki!

Luke 12:33

Sumbisanu abivu nenu na veganu bijaga mbongu atsi dudila; anana duikerungila komi atsigefu na duba na busina buneni o julu abugobembu na badayitsi nesi batsielili bagobubunga.

Luke 18:22

Jesus anodigulu amavosa rie: Vaki diambu dimosi! Weʼ yesumbisa biotsu abivu nagu novega mbongu ombu bijaga na guba na busina o julu. Va julu vana ruga, nduki!

1 Timothee 6:17

Lonsa bisina bitemu ejiji yiri bayaba na dunangu na ditasa diogu diyaba mu busina abuinyambini tumba bavayili Nsambi yitu, jandi oyituveyi bima biotsu ne uviosulila.

1 Timothee 6:19

Pa bevayingi nana bevayi nderi besueyi busina abulabana o gusu, diwendi rie: bodila monyu aguvu tindi monyu.

Hebreux 10:34

Jenu dumalaba maguga va mosi na bisi tsugu na ava bamadupatulila biboti bienu dumasunsa mirima mu mbari dumajaba yiri dukivuna biboti abiviolili ubueji na abivu mutubu.

Hebreux 11:26

Amalaba yiri uwarila maguga mu diambu diChrist uvu nderi busina abuiviolili busina buotsu buEgypte mu mbari amaba liyiyi ava amavivilanga yisaku.

Jacques 2:5

Guluanu baana bataji bami badurondu! Nsambi amasola bijaga bibutamba buebubu uba o tsi Durumu duNsambi, diwendi rie: busina buogu la Durumu dueni adumavangunu na jogu abemurondi.

1 Pierre 1:4

na turungula usangila mu diambu dipangini aji Nsambi amavangana na abandi. Pangini ajigorungula ubunsu nesi utsiemuga nesi ukubuga.

1 Pierre 5:4

Ava yivunda yiMukelisi bindombu oruyila dudila kaba tsibundumba atsigekuduyi.

Dulasu 2:9

Nyijabi maguga menu; nyijabi diuleba duji bijaga duna busina bumunongu ususu. Nyijabi dumafuengululu na jogu abevosi yiri baji baJuif, bagaa baJuif baji bisi dibundu diSatan.