Matthieu 6:19 - La Sainte Bible en Langue Yipunu

¹⁹ Duyaromba usuega busina bubutamba buebubu abu batsielili na maali bibungi vo abu badayitsi bedayi.

Matthieu 6:19 Iomraidhean Croise

Job 24:16

Mudayitsi ebuli mandagu mukolu, ava nyangu ekedibiga o gari tsimandagu; agejabi ayi benengili nyangu.

Job 31:24

Je nyimavayila lora yitu? Je nyimavosa rie: Lora jivu tsongu ami?

Nyimbu 39:6

Ka yitsingu yigeyi yi gumapega, dutalu dubilima biami bigaa bipuela. Va gusu agu mutu uotsu, diuleba avu na mangolu avu nderi yiriri ayivembulu. Letasatianu

Nyimbu 62:10

Nyiina, batu bagaa na tsongu; mindumbu bavu bafuritsi! Ne pa bomata botsu mu mudodu bavu viagaa nderi mikondu.

Ukumuga 22:2

tumba pa diambu dimalabana nyangu agumamudimba oba na mbela jidufu duandi. Pa agaafu ogabusa abi amadaga; pa agaa na yima, osumbusu mu diambu diudaga uandi.

Banongu 11:4

Mu yilumbu yibunsonsi busina bugaa na tsongu; yika dusungugu duiveyi monyu.

Banongu 16:16

Udila diela uiviolili tindi lora. Udila dujabu uiviolili tindi lora jivema.

Mambu Mamungo Diela 2:26

Mu mbari Nsambi eveyi diela na dujabu na nsangu ombu jandi oyimulasi ubueji; tumba eveyi muvayitsi masumu yisalu ugukiga abi eveyi ombu jandi oyilasi Nsambi ubueji. Adina wandi digaa na divindugulu yika nderi ubiriga punga.

Sophonie 1:18

Lora tsiogu tsivema na lora tsiogu bigorungula ubawaka kalala mu yilumbu yikabu jiFumu. Butamba buotsu busielusunu na muji udiwavi diandi. Osundila ubunga batu botsu.

Matthieu 19:21

Jesus amamutsingula rie: Pa guirondi udugusu motsu, weʼ yesumbisa biotsu abivu nagu novega badoli beni ombu bijaga na guba na busina o julu. Mbana ruga, nduki.

Matthieu 6:20

Tumba rombanu busina bujulu; abugobembu na batsielili nesi maali nesi badayitsi.

Luke 12:21

Jesus amabuela rie: Anana divu ombu uotsu aguikelundila busina. Kabogu ombu Nsambi agaa yisina.

Luke 12:33

Sumbisanu abivu nenu na veganu bijaga mbongu atsi dudila; anana duikerungila komi atsigefu na duba na busina buneni o julu abugobembu na badayitsi nesi batsielili bagobubunga.

Luke 12:39

Guluanu buranga! Mbe fumu ndagu amajaba yiri mudayitsi oruga mbe amawarisa ndagu yiri mudayitsi agokota.

Luke 18:22

Jesus anodigulu amavosa rie: Vaki diambu dimosi! Weʼ yesumbisa biotsu abivu nagu novega mbongu ombu bijaga na guba na busina o julu. Va julu vana ruga, nduki!

Luke 18:24

Jesus anolaba yiri amanyonga amavosa rie: Divu divura ombu yisina ujaba Durumu duNsambi!

1 Timothee 6:17

Lonsa bisina bitemu ejiji yiri bayaba na dunangu na ditasa diogu diyaba mu busina abuinyambini tumba bavayili Nsambi yitu, jandi oyituveyi bima biotsu ne uviosulila.

Hebreux 13:5

Duyagobisa mbongu; labanu ubueji na atsivu nenu; jaʼ beni Nsambi amavosa rie: Ngogusila na ngogudunda, via!