Matthieu 5:37 - La Sainte Bible en Langue Yipunu

³⁷ Dukavosa rie: Nyiina vo nesi; tsiotsu tsisusu tsiruyili ombu diabu.

Matthieu 5:37 Iomraidhean Croise

Matthieu 13:19

Jogu abegulu mambu maDurumu duNsambi na bagematsiyisi bebagunu na tsangu atsimabonduga va nsila. Mutu mubi eruyi utsiemusa mambu mu mirima miogu.

Matthieu 13:38

nungi la bulongu; tsangu tsiboti tsivu baana baNsambi; bilonga bivu baana bamutu mubi;

Matthieu 15:19

Mu mbari motsu mebandi o murima ne matasa mabi ne bukongu ne bumbembu ne bupumbi ne udaga ne bumbeji bumfurulu ne matamba.

Matthieu 5:36

Nesi pesi jimuru agu mu mbari gugaa na musuga uvemisa vo upindisa ne dunanga dumosi.

Matthieu 6:13

tuveyi mangolu urina mbangulu yiri diabu agotuviolila. (Mu mbari ombu gagu uvu durumu na mangolu na bundumba mutubu na mutubu. Amen.)

Jean 17:15

Ngeguwivuli ubagusula mu bulongu buebubu tumba nyiguwivuli ubakelisa yiri mutu mubi agobabivisa.

Jean 8:44

Duji baana badiabu na duirondi uvaga durondu duandi. Ubanda vadibandu aji yikongu. Asakavosa ngensa mu mbari ngensa jigaa nandi. Ava efurili evosi tindi mbembu andi mu mbari mufuritsi avu na avu taji bafuritsi.

Ephesiens 4:25

Kabogu duyamuefura! Mutu mutu avosi ngensa na muana taji andi mu mbari jetu botsu tuji bilema bidunyuru dumosi.

Ephesiens 6:16

na yitu yiuba nana ngubu ajiviolili biotsu bina na jigayi milutsu mimbansa tsidiabu

Colossiens 3:9

Duyafurasana, dumadunda yimumutu na bifu biyionyi

Colossiens 4:6

Posulu tsienu tsibi tsiboti na tsiminyimu na jabanu nana divu diwelimina uwagulila mutu uotsu.

2 Thessaloniciens 3:3

Fumu aji asigama. Jandi oduwarisa na odukelisa yiri dugogaangu na mabi.

Jacques 5:12

Baana bataji bami duyasundila uleva pesi tsimunongu na munongu. Tumba nyiina enu jibi vana nyiina na nesi enu vana nesi yiri dugovegu mbela.

1 Jean 2:13

Batata, nyidusonini mu mbari duijabi jandi omaba ubanda va dibandu. Bafudu, nyidusonini mu mbari dumaviolila mutu mubi.

1 Jean 3:12

Tuyabagunuanu na Cain omaba mutu diabu na amaboka muana nguji andi. Dibandu yi amamubokila? Diwendi rie: bisalu biandi bisamaba biboti tumba abi muana nguji andi bimaba biwelimina.

1 Jean 5:18

Tuijabi yiri uotsu omaburu na Nsambi agemuevayingi masumu mu mbari Nsambi emukelisi yiri diabu agorungula umubemba.