Matthieu 5:30 - La Sainte Bible en Langue Yipunu

³⁰ Pa dikaka diagu dimabaala digutsimbusu, ditabuli na dibuayi! Tsiri diambu diviolila uvura utsiemusa yilema yimosi tumba divu diambu diranga ubungana ndeʼ uotsu o bulungi bumuji.

Matthieu 5:30 Iomraidhean Croise

Matthieu 11:6

Ka muna ubueji gu jandi olaba agugetumuni mambu mami paga!

Matthieu 13:21

Mambu magekoti na jogu bagewari. Ava belabili maguga vo bokuanu mu diambu dimambu maNsambi besundili utsiemusa yitu.

Matthieu 16:23

Mbana Jesus amageluga na amavosa na Pierre rie: Ndundi Satan! Matasa magu mavu mabatu tsiri maNsambi.

Matthieu 17:27

Ne nana tuyaba na musosi nogu. Wenda o uloba. Dibula munu nyama ajitega aji gugaanga; muna gulaba mbongu. Tsionyi tsivu tsiwelimina ufutila dumandu dujetu nagu.

Matthieu 18:8

Pa dikaka diagu nesi dikulu diagu digutsimbusu ditabuli nodibuaga; tsiri diambu diviolila uvura ukota o julu na dikaka dimosi vo dikulu dimosi, tumba divu diambu ukota o bulungi bumuji ne pa guna bilema biotsu.

Matthieu 22:13

Mbana kaga amavosa na basalitsi bandi rie: Mutungianu, mubuayianu o pisama! Aguna olilanga na onyonganga.

Matthieu 25:20

Omadila kama yiranu tsimbongu tsilora amaruga na amawakisa kama yiranu tsisusu ombu fumu.

Matthieu 26:31

Jesus amatsingula badukitsi bandi rie: Na mukolu egugu jenu botsu dutina mu mbari Bisonu bisonugu rie: Nyuboka mubungulitsi bindombu na bindombu biupansiga yiari na yiari.

Matthieu 5:22

Tumba menu nyidutsinguli yiri mutu uotsu oyinyoyili muana Taji andi avu awelimina ufundu ombu bansonsi; jandi oyisiengi muana Taji andi rie: Guji yifufu! Avu awelimina ufundu o yibenguna yibivunda bineni. Jandi oyimusiengi rie: Ulaguga! Avu awelimina ubungana o bulungi bumuji.

Matthieu 5:29

Kabogu pa disu diagu dimabaala digutsimbusu didonduli nodibuaga! Tsiri diambu diviolila uvura utsiemusa yilema yimosi tumba divu diambu diranga ubungana ndeʼ uotsu o bulungi bumuji.

Marc 9:43

Pa dikaka diagu digutsimbusu; ditabuli, tsiri diambu diviolila uvura ukota o julu na dikaka dimosi buandi tumba divu diambu ukota o bulungi bumuji ne pa guna makaka motsu mabeji. [

Luke 12:5

Nyudulonsa aguvu uwelimina uduma. Dumanu Nsambi mu mbari pa ebokisi ana musuga ubuaga o bulungi bumuji. Nyiina, divu diwelimina: mudumianu.

Luke 17:2

Mbe otungu dimanyi dineni nobuagu o mubu mbe diwelimina yiri agomuerungula utsimbusu mutu ne muana ugeyi.

Romains 9:33

Ne Bisonu bimasonugu rie: La dibandu nyisunsili dimanyi va Sion, didukusu batu mabaku na dibaberusi. Tumba oyidivayili yitu agokambulu.

1 Corinthiens 8:13

La dibandu pa diambu dibiguji ditsirisi murima muana taji ami ngomueji banyama yiri ngomudetsa.

Galates 5:11

Baana bataji dibandu yi nyikuanungu pa nyilonsi durebu? Mbe nana, malongi mami makurusu magomuevinu.

1 Pierre 2:8

Bisonu bisusu bisonugu rie: Dimanyi diedidi diudukusu batu mabaku na dionyi diberusi batu. Labatianu munu uNsambi usamabonduga ya tsi! Bamatsunguga mu mbari basamavayila Mambu maNsambi yitu.