Matthieu 5:29 - La Sainte Bible en Langue Yipunu

²⁹ Kabogu pa disu diagu dimabaala digutsimbusu didonduli nodibuaga! Tsiri diambu diviolila uvura utsiemusa yilema yimosi tumba divu diambu diranga ubungana ndeʼ uotsu o bulungi bumuji.

Matthieu 5:29 Iomraidhean Croise

Job 20:13

Amayinyakulanga amayikelisanga va yilansi.

Matthieu 10:28

Duyaduma jogu abeboki dunyuru, bagorungula uboka yinyunyi. Tumba dumanu Nsambi mu mbari pa ebokisi ana musuga ubunga yinyunyi na dunyuru o bulungi bumuji.

Matthieu 11:6

Ka muna ubueji gu jandi olaba agugetumuni mambu mami paga!

Matthieu 16:26

Ne pa mutu odila bulongu buotsu tumba otsiemuga vo obungana, ubueji uka? Va yisalu ayiurungula ugabusa monyu?

Matthieu 17:27

Ne nana tuyaba na musosi nogu. Wenda o uloba. Dibula munu nyama ajitega aji gugaanga; muna gulaba mbongu. Tsionyi tsivu tsiwelimina ufutila dumandu dujetu nagu.

Matthieu 19:12

Vavu mambu mamosi amogandisa babaala uwela: bamosi bamaburu bafu; basusu bamavangulu; basusu bebusi mu diambu diDurumu duNsambi. Jandi oyirondi udiduka aduki.

Matthieu 23:15

Ka muna maguga ma jenu milonsi mimigaga na jenu baPharisie dulaba! Jenu bijaku duvu! Duilingi yiari na yiari uyenakotisa batu o muyitsa enu, ava dubadil ili duibabivisi tindi ubivisa te na bodurela o bulungi bumuji.

Matthieu 23:33

Bijolu! Baana babijolu! Tsie durinina mbela dufu?

Matthieu 5:22

Tumba menu nyidutsinguli yiri mutu uotsu oyinyoyili muana Taji andi avu awelimina ufundu ombu bansonsi; jandi oyisiengi muana Taji andi rie: Guji yifufu! Avu awelimina ufundu o yibenguna yibivunda bineni. Jandi oyimusiengi rie: Ulaguga! Avu awelimina ubungana o bulungi bumuji.

Matthieu 5:30

Pa dikaka diagu dimabaala digutsimbusu, ditabuli na dibuayi! Tsiri diambu diviolila uvura utsiemusa yilema yimosi tumba divu diambu diranga ubungana ndeʼ uotsu o bulungi bumuji.

Marc 8:36

Ne pa mutu odila bulongu buotsu tumba otsiemuga vo ubungana, ubueji uka? Ugatsi!

Luke 12:5

Nyudulonsa aguvu uwelimina uduma. Dumanu Nsambi mu mbari pa ebokisi ana musuga ubuaga o bulungi bumuji. Nyiina, divu diwelimina: mudumianu.

Romains 6:6

Tujabianu yiri yi-mumutu yietu yimagomunu va kurusu na Christ yiri mangolu mamasumu mogusulu, diwendi rie: tupalusu mu buviga bumasumu.

Romains 8:13

Pa duidukingi yimumutu yienu, du-fu; tumba pa duidukingi Yinyunyi yiNsambi dukavu na mangolu ubokisa bisalu biyimu-mutu na dudila monyu.

1 Corinthiens 9:27

Nyikelisi dunyuru duami na buranga na nyitutsi nsala tsiduonyi yiri meʼ beni ngoba kondini kondini va gari aba nyimalonsa.

Galates 5:24

Jogu abamafubana mirima na Jesus Christ bamabokisa bumutu na nsala tsibuonyi.

Colossiens 3:5

Kabogu tsiemusanu bifu bibutamba abivu nenu, bionyi la buvuyisa na matasa mabi na nsala tsibi na ngusu ajivu dedi mosi na divanda.