Matthieu 5:15 - La Sainte Bible en Langue Yipunu

¹⁵ Mutu agebangisi paga ujisuega o tsi ponsi tumba ejivakiyi va dingasa na jimonitsi biotsu abivu o gari ndagu.

Matthieu 5:15 Iomraidhean Croise

Ukumuga 25:37

Gukavaga yisambuali yibalambi abovakugu umonitsa o gusu.

Zacharie 4:2

Yimakwivula rie: Yi guilabi? Nyimawaka rie: Nyilabi dingasa adivu lora na lora, va julu dionyi vavu yisuegulu yimatsi na divu na yisambuali yibalambi abavu na yisambuali yimivievi amivu na kadi dingasa.

Dutalu 8:2

Tsingula Aaron rie: Ava guvakiyila yisambuali yibalambi mu dingasa, bamonitsi o gusu.

Marc 4:21

Amamuebawivula rie: Batu bebangisi paga ujisuega o tsi ponsi vo o tsi tangi? Tsia uyivakiga va dingasa?

Luke 11:33

Mutu agebangisi paga ujisuega vo ujisunsa o tsi ponsi tumba ejisunsi va mbura jiwelimina yiri ava batu bokotila bolaba yijalala.

Luke 11:36

Munongu mosi nana paga jimonitsiii mbura tsiotsu utsiemusa pisama, yijalala ayivu nagu yiurungula utiemusa pisama tsiotsu.

Luke 8:16

Tsia mutu agebangisi paga ujisunsa o tsi ponsi vo o tsi tangi, mbeyianu? Tsatsabi! Ejivakiyi va dingasa yiri abekoti bolaba yijalala.

Philippiens 2:15

Banu baana baNsambi badugu abagaa na mbela ava betsanini va gari bisi butamba buebubu. Nana bambuelili belulili o julu anana wandi vengu dulasa yijalala

Hebreux 9:2

Ndagu jitsanda jimarelugu. Mu yibuku ayitega ayimanengulungu Mbura Nsambi umaba dingasa na tavula na mapa amamavagulu ombu Nsambi.

Dulasu 2:5

Ka muna nsimbulu tsi! Kalulanu diela na gabuganu o yisalu yienu ayitega. Pa dugovaga nana nyuruga uyegusula dingasa dienu.