Matthieu 3:5 - La Sainte Bible en Langue Yipunu

⁵ Batu bapuela bamawenda uyegulu mambu mandi. Diwendi rie: bisi Jerusalem na bisi Judee na bisi bulongu buotsu abuvu mu mugula Jourdain.

Matthieu 3:5 Iomraidhean Croise

Matthieu 2:1

Jesus amaburulu o Bethleem o bulongu buJudee ava Herode amabila kaga. Jesus anoburu vamaruga batu badiela, diwendi rie: batu abamawijingi bambuelili. Bamarugasana o yiari ayi wisi epalili na bamatola o Jerusalem.

Matthieu 4:25

Batu bapuela bamamuduka abamarugasana o biari biGalilee nesi o mbura ajinengulu Digumi Dimisiengi nesi o Jerusalem no Judee te no yiari ayina yiJourdain.

Marc 1:5

Bisi Judee na bisi Jerusalem botsu bamawendanga uyegulu Jean. Bamatubulanga masumu mogu na jandi amababatisanga o mujamba Jourdain.

Luke 16:16

Va dibandu dumadila migaga miMoise na miganda mibabiyitsi mbana Jean amalabana. Ubongila va temu eni Musamu Uboti uDurumu duNsambi umasamunu na mutu mutu egalini udujaba.

Luke 3:3

Jean amalinganga mu mbanda tsi jiotsu jiJourdain uyenalubusanga batu rie: Kalulanu diela na batusuanu; Nsambi odutandila masumu menu.

Luke 3:7

Bapuela bapuela bamawendanga ombu Jean uyebatusu. Amabanyangila rie: Bijolu bijenu, anyi amadulubusa urina kabu Nsambi?

Jean 3:23

Jean wandi amabatisanga o Enon bebeli na Salim mu mbari aguna umaba mamba mapuela na batu bamawendanga uyebatusu nandi.

Jean 5:35

Jean amaba nderi lambi ajimabangusu na ajimadumonitsa; dumalaba ubueji na yijalala yiandi.