Matthieu 3:16 - La Sainte Bible en Langue Yipunu

¹⁶ Jesus anobatusu amasabuga mu mamba. Julu jimadibuga na amalaba Yinyunyi yiNsambi yisunduyi nana dibembi adimamubetama.

Matthieu 3:16 Iomraidhean Croise

Esaie 11:2

Yinyunyi yiFumu obanganga nandi, Yinyunyi yidiela na yidutsigusu, Yinyunyi yiduganu duFumu na yimangolu, Yinyunyi yidujabu na yiuduma Fumu.

Esaie 42:1

Fumu amavosa rie: Agugu la musalitsi ami agu nyimawarisanga, aguami agu nyimasola agu nyirondi na murima ami uotsu. Nyimamugabila Yinyunyi yiami; jandi onyavisa dusungugu ombu bisi malongu.

Esaie 59:21

Fumu amabuesa rie: Guluanu pangini ami aji nyivangini nenu; ubanda namunyi te na mutubu: Yinyunyi yiami otsana nenu na bulumbi buami bubanganga nenu te na mutubu. Bugodupatulu nesi jenu nesi baana benu nesi bategula benu. Menu oyidivosi.

Esaie 61:1

Yinyunyi yiFumu aguvu Fumu avu nami, mu mbari Fumu amambiatsa usamuna Musamu Uboti ombu jogu abamakambulu; amansindiga ubembiga abavu na mirima mibuliga, notubula dujegusu ombu bakoli, nowaka baviga kalala;

Ezekiel 1:1

Yilima yimagumarieru mu yilumbu yimuranu yitsungi jimuina ava nyimabila va gari bakoli va mugula mujamba uKebar, julu jimadibuga na nyimalaba biriariamu biNsambi.

Marc 1:10

Ava Jesus amasabuyila o mamba, julu jimadibuga na Yinyunyi yiNsambi mu yibagunu yidibembi amamubetama.

Jean 1:51

Amabuela rie: Dingensa dulaba julu jiudibuga na biansa biumatanga nosunduganga ombu Muana Mutu.

Jean 3:34

Jandi agu Nsambi amasindiga evosi mambu maNsambi mu mbari Nsambi amamubasa de na Yinyunyi yiandi.

Bisalu 1:22

ubanda va temu aji Fumu Jesus amabatusulu na Jean te na yilumbu ayi jandi amamatusulu va gari etu. Tusolianu umosi agusobana netu uba mbeji jidurambugu duandi.

Bisalu 7:56

Amavosa rie: Labatianu, nyilabi julu jimadibuga na Muana Mutu arelama va mabaala maNsambi.

1 Jean 5:6

Jesus Christ amaruga na bilimba bibeji: mamba na malungu. Asamaruga yika na mamba buandi tumba na malungu wandi. Oyisingisili bumbeji la Yinyunyi yiNsambi mu mbari Yinyunyi yieni avu ngensa.