Matthieu 27:66 - La Sainte Bible en Langue Yipunu

⁶⁶ Bamawenda na bamawarisa ngila na bamasila bagora vana.

Matthieu 27:66 Iomraidhean Croise

Daniel 6:17

Mbana kaga amaruma rie: Beganu Daniel nomubuaga o dilima dibimbungu. Kaga amavosa na Daniel rie: Nsambi agu, agu guisalili na murima uotsu aguwaki kalala!

Matthieu 27:60

Anojitsiga o ngila ajimatobu mu dimanyi amajidibiga na dimanyi disusu na amayenawenda.

Matthieu 27:65

Pilate amabatsingula rie: Jenu duna bagora kabogu jenu beni kelisanu ngila nana duirondili.

Matthieu 28:11

Ava bagetu bamabila mu nsila bagora bamosi bamakota o musiengi na bamatsingula bivunda bibavagulitsi bapagu adimalabana.

Matthieu 28:2

Vana vana vamaba disiana dineni dibutamba; yiansa yiFumu yimasunduyila o julu, yimabungasana dimanyi na yimatsana va julu dionyi.

Marc 16:4

Dimaba dimanyi dineni. Banobuaga misu bamalaba yiri dimanyi dimakegusululu.

Jean 20:1

Muna kedi yilumbu yitsona pisama mbe jikivu mu tsi Marie muisi Magdala amagabuga o ngila, amalaba yiri dimanyi dimagusulu va ngila.

2 Timothee 2:19

Ne nana yibuga ayi Nsambi amasunda yivu sikiri. Mambu memama mamasonu rie: Fumu ejabi abandi. Na rie: Uotsu oyimemi diina diFumu akakini na mabi.

Josue 10:18

Josue amaruma rie: Bungasananu mamanyi maneni va dikotulu didilima na sunsanu babaala bamosi vana ubakelisanga.

Dulasu 20:3

Yiansa yimamubuaga o mbengi; yimajidibiga nobindiga yiri mukuimbi-nyoga agomuerungula udunsa malongu te na tosini bilima. Bilima bieni binovioga onyangulu mu pesu temu.