Matthieu 27:52 - La Sainte Bible en Langue Yipunu

⁵² mangila mamadibuga na batu baNsambi bapuela abamafu kala bamarambuga o dufu.

Matthieu 27:52 Iomraidhean Croise

2 Bakaga 13:21

Yilumbu yimosi ava bamatsiyilanga mfumbi bamalabilila bagora uruga beruyi kabogu bamabuaga mfumbi o ngila jiElisee mbana bamarina mbangu. Mfumbi jinobemba bivisi biElisee jimasundila urambuga.

Esaie 25:8

Obunga dufu mutubu. Fumu Nsambi otsindula matsanga mu binsi biotsu, ogusula yisonyi yibatu bandi mu bulongu buotsu. Fumu agumadivosa odiwarisa.

Esaie 26:19

Batu bami, abenu abamafu bomueba na monyu, bamfumbi bami barambuyi, jenu bisi difufundu, rambuganu na labanu ubueji! Fumu ogunoyisila disala adivu nderi dinogu dikedi, butamba bugabusa bamfumbi.

Daniel 12:2

Bapuela abamafu kala borambuga, bamosi o monyu umutubu basusu bolasu yisonyi te na mutubu.

Osee 13:14

Menu Fumu nyubagobula o mbura jiabafu, nyubawaka kalala o dufu. Aa dufu, bivunga biagu bika? Mbura jiabafu dubungu duagu duka? Ngotsimisa misu nobawaka kalala!

Jean 11:11

Jesus anomana uvosa nana amabatsingula rie: Mbatsi etu Lazare aka yilu tumba nyiwendi umurambusa.

Bisalu 7:60

Mbana amakutama na amagamuga na diufi dineni rie: Fumu batandi disumu diedidi. Anomana uvosa mambu meni amafu.

1 Corinthiens 11:30

La dibandu vavu bibomfi na bibedu na bamosi bamafu.

1 Corinthiens 15:20

Adivu dingensa adidi rie: Christ amarambuga o dufu na aji nderi tuga ulasa yiri abafu borambuga wandi.

1 Corinthiens 15:51

Guluanu, nyidujabisi adimasuegu, adidi rie: Jetu botsu tugofu; ava mumbanda usigulu tusunda ufuikulu mu ditsabisa didisu. Bamfumbi borambuga mugungula na jetu botsu tufuikulu.

1 Thessaloniciens 4:14

Mu mbari pa tuna yitu yiri Jesus amafu na amarambuga o dufu, tuvayianu yitu wandi yiri Nsambi ogabusa Jesus na abamafu na yitu ava bamafuila.

1 Thessaloniciens 5:10

agumatufuila yiri tutsana va mosi nandi ne pa oturasuna monyu ne pa tulefu.