Matthieu 27:25 - La Sainte Bible en Langue Yipunu

²⁵ Batu botsu bamawagula rie: Dufu duandi dubi va julu miuru mietu te na mibaana betu!

Matthieu 27:25 Iomraidhean Croise

2 Samuel 1:16

David amalemutsingula rie: Malungu magu mabi va julu muru agu! Ndeʼ beni gumakesingisila bumbeji ava gutsivosila rie: Meʼ beni nsiboka yibiatsi yiFumu.

1 Bakaga 2:32

Fumu omugabusila pila mu mbari amaboka batu babeji basungama uviolila jaʼ beni, aba amaboka ne taji ami David asamadijaba: Abner muanadibaala uNer amaba yivunda yibagora baIsrael na Amassa muana dibaala uYeter agumaba yivunda yibagora baJuda.

Ukumuga 20:5

guyagudama va gusu ogu na guyabasalila. Menu la Fumu Nsambi agu; nyivu Nsambi aguvu na diwavi, oyikilisi bataji mu diambu dimabi mogu nesi baana, nesi bategula te na bandelabongu, diwendi rie: botsu abepini,

Dutalu 35:33

Duyabivisa bulongu abu dutsaninanga na malungu mu mbari malungu mebivisi bulongu; bulongu bugorungula utsindulu dibumi dimalungu amamawitulu muna; dibumi diutsindulu yika na malungu majandi agumamawitula.

Matthieu 21:44

Uotsu oberuga va dimanyi dieni otsungugu na jandi o dimanyi dieni diubonduyila ogesumuga.]

Bisalu 18:6

Ava baJuif bamamulasila maguga na bamamugelilanga amabonga yikutu yiandi na amayigubula va misu mogu na amavosa nogu rie: Pa dumatsiemuga adina divu diambu dujenu beni; tsiri diambu diami. Ubongila namunyi nyiwendi ombu abagaa baJuif.

Bisalu 5:28

Amawivula rie: Jetu tusamaledugandisa ulonsa mu diina didibaala dieni? Amabuesa rie: Tsiri jenu adumalonsa bisi Jerusalem botsu yiri jetu tumatunga fundu jidufu duandi?

Bisalu 7:52

Je vamaba babiyitsi abasamakuanu na bataji benu? Jogu bamaboka abamalelonsa durugu duAgusungama agu jenu dumafunda noboka.

Migaga Mimatubula 19:10

yiri malungu mamutu agugaa na diambu magowitulu o bulongu abu Fumu Nsambi enu oduvega disiala na dufu dueni dugoba va julu miuru mienu.

Migaga Mimatubula 19:13

Duyamulasa yingeba; tumba dukagusula mbela jimalungu ma-agugaa na diambu va gari baIsrael, mbana dulaba ubueji.

Josue 2:19

Pa mutu opala o ndagu agu malungu mandi moba va julu muru andi na jetu tugoba na mbela; tumba pa tunemisa ne unemisa mutu va gari jogu aboba o ndagu agu malungu mandi moba va julu miuru mietu.